Jyl aiaǵyna deiin eldegi búkil avtosalondarǵa otandyq kólikter jetkiziledi. Oǵan eldegi óndirýshilerdiń qabileti jetedi, dep habarlaidy QazAqparat.
«Qazaqstan avtobiznes qaýymdastyǵynyń» ókili Anar Maqasheva 4 paiyzdyq avtonesieniń qaita jandanýy bailanysty ótken brifingide osyndai málimet aitty. Shara barysynda jýrnalister 4 paiyzdyq avtonesiege suranys kóp bolǵanymen, salondarda kólik az ekenin aityp, kezekti qalai seiiltýge bolatynyn surady.
«Avtosalondarda kólikter bar. Byltyr bizdiń Hyundai Trans Kazakhstan jáne «SaryarqaAvtoProm» deitin eki óndirýshimiz jalpy kólemde 90 myńdai kólik óndirgen bolatyn. Biyl óndiris kólemi 20 paiyz ósedi degen boljam bar. Sonda jyl aiaǵyna deiin Qazaqstan qalalaryndaǵy avtosalondardyń bárinde kólik bolady dep topshylap otyrmyz. Qazir árbir avtoóndirýshi ózderi elektrondy kezek túzip jatyr. 4 paiyzdyq nesie alýshy Qazaqstan aýmaǵyndaǵy aviosalondarǵa kelip, tańdai alady. Iaǵni, adam ózi satyp alǵysy keletin kólikti tańdaidy. Sodan keiin tańdalǵan kólik qashan daiyn bolatynyn aitady. Ai saiyn óndiristen avtosalondarǵa kelip túsetin kólikter sol tutynýshylardyń VIN-kod kórsetilgen eseptesý paraǵy boiynsha úlestiriledi. Bul ereje búkil avtosalondarǵa ortaq», - dedi Anar Maqasheva.
