Ulttyq qaýipsizdik komiteti «Jýsan» gýmanitarlyq operatsiiasynyń tórt kezeńin qorytyndylady, – dep habarlaidy «Ult aqparat».
«2019 jyly QR Ulttyq qaýipsizdik komitetiniń úilestirýimen Siriiadan 595 Qazaqstan azamaty qaitaryldy. Operatsiianyń birinshi kezeńinde 47 adam, onyń ishinde 6 er adam, 11 áiel jáne 30 bala, ekinshi kezeńinde 231 adam, onyń ishinde 16 er adam, 59 áiel jáne 156 bala (18 jetim), úshinshi kezeńinde 246 adam, onyń ishinde 8 er adam, 67 áiel jáne 171 bala (9 jetim), tórtinshi kezeńinde 71 adam, onyń ishinde 3 er adam, 19 áiel jáne 49 bala (5 jetim) elge jetkizildi. Osylaisha, jalpy Siriiadan qaitarylǵandar sany – 595 azamat (33 er adam, 156 áiel, 406 bala (32 jetim)», - dep habarlandy UQK Youtube paraqshasynda.
Ulttyq qaýipsizdik komitetiniń habarlaýynsha, elge qaitarylǵan barlyq áiel men bala ońaltý jáne beiimdeý kýrsynan ótken. Terrroristik uiymdardyń áreketine qatysqany úshin 31 er adam men 12 áiel sottalǵan. Taǵy 14 adam tergelip jatyr.
