QR Ulttyq qaýipsizdik komiteti tóraǵasynyń orynbasary Nurǵali Bilisbekov «Jýsan» gýmanitarlyq operatsiiasy kezeńderine qatysty túsinik berdi, – dep habarlaidy "Ult aqparat".
«Ózderińiz bilesizder, Iraktan 14 balany alyp keldik. Ázirge, osy tektes sharalar josparlanyp otyrǵan joq, sebebi qaqtyǵys aimaqtarynda júrgen bizdiń azamattar boiynsha tiisti jumystardy júrgizýdemiz. Iaǵni olarǵa qatysty bizde tolyq aqparat bolmai tur», - dedi N. Bilisbekov Senatta tilshiler saýalyna jaýap bere otyryp.
Budan bólek ol júzden astam Qazaqstan azamaty qaqtyǵys aimaqtarynda júrgenin, olar negizinen Siriia aýmaǵynda ekenin aitty.
«Bul turǵyda 36 er adam, 80-ge jýyq áiel qalyp otyr, al balalar boiynsha naqty aita almaimyn», - dedi UQK ókili.
Budan buryn habarlanǵandai, Ulttyq qaýipsizdik komiteti «Jýsan» gýmanitarlyq operatsiiasynyń tórt kezeńin qorytyndylady.
«2019 jyly QR Ulttyq qaýipsizdik komitetiniń úilestirýimen Siriiadan 595 Qazaqstan azamaty qaitaryldy. Operatsiianyń birinshi kezeńinde 47 adam, onyń ishinde 6 er adam, 11 áiel jáne 30 bala, ekinshi kezeńinde 231 adam, onyń ishinde 16 er adam, 59 áiel jáne 156 bala (18 jetim), úshinshi kezeńinde 246 adam, onyń ishinde 8 er adam, 67 áiel jáne 171 bala (9 jetim), tórtinshi kezeńinde 71 adam, onyń ishinde 3 er adam, 19 áiel jáne 49 bala (5 jetim) elge jetkizildi. Osylaisha, jalpy Siriiadan qaitarylǵandar sany – 595 azamat (33 er adam, 156 áiel, 406 bala (32 jetim)», - dep habarlandy UQK Youtube paraqshasynan.
