TsDIAÓM baspasóz qyzmeti
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin bailanys sapasynyń problemalyq máseleleri boiynsha bailanys operatorlarymen jiyn ótkizdi, dep habarlaidy "Ult aqparat" ministrliktiń resmi saityna silteme jasap.
Vedomstvo basshysynyń aitýynsha, turǵyndardyń bailanys sapasyna qatysty shaǵymy artyp otyr.
«Búgingi tańda internet - bul áleýmettik qajettilik, ony adamnyń negizgi qajettilikteriniń biri dep aitýǵa bolady. Biz turǵyndardy sapaly internetpen qamtamasyz etýge mindettimiz», - dedi Baǵdat Mýsin.
Ministr bul másele tek aýyldarda ǵana emes, Astananyń sol jaǵalaýynyń ortalyq kóshelerinde de ótkir turǵanyn atap ótti.
«Jurtshylyq bostan-bos shaǵymdanbaidy. Astanadaǵy Turan dańǵylyna shyqsaq, bailanystan ajyrap qalatyn kezder bolady. Manhetten, SAT City turǵyn úi kesheni jáne KAZGIýÝ aýmaǵynda bailanys sapasy nashar. Sizder bul jaqta kópqabatty úilerdiń kóp emes ekenin túsinýlerińiz kerek. Bul máseleni birlesip sheshýimiz qajet" - dedi ol.
Baǵdat Mýsin ózara is-qimyldy kúsheitýdi jáne tehnikalyq qyzmet basshylarymen, qurylys kompaniialarymen, jer ielerimen tyǵyz bailanys ornatýdy, sondai-aq jaǵdaidy únemi baqylaýda ustaýdy tapsyrdy. Onyń aitýynsha, problemalyq jer ýchaskelerin anyqtap, máseleni ákimdikpen birge sol jerde sheshý qajet.
Ministr operatorlarǵa da bailanys sapasyna qatysty máselelerdi ýaqytyly sheshýdi tapsyrdy.
"Biz retteýshi uiym retinde aiyppuldardy salýdy toqtatpaimyz, biraq meniń oiymsha, buǵan basqasha qyrynan qaraýymyz kerek. Iaǵni, kelissózderge kelip, ár taqyryp pen baǵyt boiynsha máselelerdi birlese sheshkenimiz jón", - dep qorytyndylady Mýsin.
