Prezident Qasym-Jomart Toqaev biznestiń bir qolǵa shoǵyrlanýy memleket úshin qaýipti úrdis ekenin aitty, - dep habarlaidy Tengrinews.kz tilshisi.
Prezident reformalar jónindegi joǵary ekonomikalyq keńes otyrystarynyń birinde Qazaqstanda oligopoliia bar ekenin aitqanyn eske aldy.
"Men dál osy tezisti Parlamentte 11 qańtarda qaitaladym. Munda qatysqandardyń bári oligopoliianyń klassikalyq anyqtamasyn biledi dep úmittenemin. Biznestiń bir qolǵa shoǵyrlanýy, kásipkerlikke qabiletti basqa adamdardyń ainalysý múmkindigi bolmaýy barlyq memleket úshin qaýipti úrdis sanalady.
Bizdiń jaǵdaida bul erekshe kúshpen kórindi. Oligopoliia - biznesti ártaraptandyrýǵa turaqty umtylys, biraq bul el ekonomikasyn ártaraptandyrý úshin emes. Iaǵni, sol adam nemese sol kompaniia óndiredi, óńdeidi jáne banktermen jumys isteidi jáne basqa da kóptegen biznesterdi júzege asyrady, al qalǵandary tigenin alady", - dedi Toqaev.
