Tanymal aqyn Júrsin Erman aldaǵy kezekten tys prezident sailaýyna qatysty pikir bildirdi, dep habarlaidy Sputnik Qazaqstan tilshisi.
Júrsin Erman Nur Otan partiiasynyń kezekten tys XIX sezine qonaq retinde shaqyrylǵan eken. Aqyn aldaǵy merziminen burynǵy prezident sailaýyn el ómirindegi úlken saiasi oqiǵa dep atady.
Erman bilik basyna kim kelse de, qazir elimizde halyqtyń áleýmettik jaǵdaiyn kóterý, kóp balaly otbasylar men joq-jitikterge kómek kórsetýge baǵyttalǵan áleýmettik saiasat ári qarai jalǵassa eken dep tileidi.
"Jastar da, saiasatkerler de bar. Solardyń bireýi tańdalatyn shyǵar. Búgin jasalmasa, erteń jasalady", - degen pikirin bildirdi aqyn.
Sonymen qatar, belgili aqyn Qazaqstandy áiel adam basqarýy múmkin be degen saýalǵa da jaýap berdi.
"Áiel adam basqaratyndai ne kún týyp qaldy bizge?! Qazaqtyń dástúrinde ondai eshqashan bolmaǵan. Sondyqtan ol áńgime erterek qoi dep oilaimyn. Qansha demokratiialyq el bolǵanmen, qazaqy bolmysty elmiz ǵoi", - deidi ol.
Júrsin Erman qazaqta el basqaratyn azamattar kóp ekenin atap ótti.
