Jýrnalistikany 4 jyl oqýdyń qajeti joq. Bul týraly búgin Media bilim berýdi damytý máseleleri jónindegi vedomstvoaralyq keńeste QR Bilim jáne ǵylym ministri Erlan Saǵadiev aitty, dep habarlaidy QazAqparat tilshisi.
«Men jýrnalistikany 4 jyl oqýdyń qajeti joq deitindermen kelisetin shyǵarmyn. Menińshe, eń birinshi kezekte óziń jazatyn salanyń mamany bolýǵa tiissiń. Eger sen meditsina týraly jazatyn bolsań, onda dáriger bolǵanyń, ekonomikany jazsań ekonomist, bankir odan keiin jýrnalist bolǵanyń jaqsy. Jýrnalistke ekonomika týraly jazýdy, aqparatty qalai durys berý kerektigin úiretý ekonomistke qaraǵanda áldeqaida qiyn», - dedi ministr.
Onyń aitýynsha, sondyqtan da qazirgi ýaqytta qaralyp jatqan jańa zań jobasyna eki másele qarastyrylǵan.
«Birinshisi, endigi ýaqytta 4 jyl oqý mindetti emes. 2,5 jyl nemese 8 jyl, qalaǵanyńsha oqýǵa bolady. Másele seniń kredittiń belgili bir sanyn jinaǵanyńa bailanysty. Ekinshiden, eger sen ekonomist bolsań ekinshi mamandyǵyń jýrnalistika bolatyn júie engiziledi, Iaǵni, biz bárin eskerdik, endigi is joǵary oqý oryndaryna qalyp otyr. Olar pánaralyq baǵdarlama qurýy tiis. Mine sol kezde salany túsinetin, saraptam jasai alatyn, jalpy salanyń mamany bolatyn jýrnalister paida bola bastaidy»,- dedi Erlan Saǵadiev.
