جۋرناليستيكانى 4 جىل وقۋدىڭ قاجەتٸ جوق. بۇل تۋرالى بٷگٸن مەديا بٸلٸم بەرۋدٸ دامىتۋ مەسەلەلەرٸ جٶنٸندەگٸ ۆەدومستۆوارالىق كەڭەستە قر بٸلٸم جەنە عىلىم مينيسترٸ ەرلان ساعاديەۆ ايتتى, دەپ حابارلايدى قازاقپارات تٸلشٸسٸ.
«مەن جۋرناليستيكانى 4 جىل وقۋدىڭ قاجەتٸ جوق دەيتٸندەرمەن كەلٸسەتٸن شىعارمىن. مەنٸڭشە, ەڭ بٸرٸنشٸ كەزەكتە ٶزٸڭ جازاتىن سالانىڭ مامانى بولۋعا تيٸسسٸڭ. ەگەر سەن مەديتسينا تۋرالى جازاتىن بولساڭ, وندا دەرٸگەر بولعانىڭ, ەكونوميكانى جازساڭ ەكونوميست, بانكير ودان كەيٸن جۋرناليست بولعانىڭ جاقسى. جۋرناليستكە ەكونوميكا تۋرالى جازۋدى, اقپاراتتى قالاي دۇرىس بەرۋ كەرەكتٸگٸن ٷيرەتۋ ەكونوميستكە قاراعاندا ەلدەقايدا قيىن», - دەدٸ مينيستر.
ونىڭ ايتۋىنشا, سوندىقتان دا قازٸرگٸ ۋاقىتتا قارالىپ جاتقان جاڭا زاڭ جوباسىنا ەكٸ مەسەلە قاراستىرىلعان.
«بٸرٸنشٸسٸ, ەندٸگٸ ۋاقىتتا 4 جىل وقۋ مٸندەتتٸ ەمەس. 2,5 جىل نەمەسە 8 جىل, قالاعانىڭشا وقۋعا بولادى. مەسەلە سەنٸڭ كرەديتتٸڭ بەلگٸلٸ بٸر سانىن جيناعانىڭا بايلانىستى. ەكٸنشٸدەن, ەگەر سەن ەكونوميست بولساڭ ەكٸنشٸ ماماندىعىڭ جۋرناليستيكا بولاتىن جٷيە ەنگٸزٸلەدٸ, ياعني, بٸز بەرٸن ەسكەردٸك, ەندٸگٸ ٸس جوعارى وقۋ ورىندارىنا قالىپ وتىر. ولار پەنارالىق باعدارلاما قۇرۋى تيٸس. مٸنە سول كەزدە سالانى تٷسٸنەتٸن, ساراپتام جاساي الاتىن, جالپى سالانىڭ مامانى بولاتىن جۋرناليستەر پايدا بولا باستايدى»,- دەدٸ ەرلان ساعاديەۆ.
