جامبىل وبلىسىنداعى مەرمەر كەن ورنىنىڭ 45 ميلليون تەڭگەگە ساتىلۋىنا قاتىستى داۋ كاسساتسييالىق سوتتا قايتا قارالماق. بٸر باعالاۋ ەسەبٸندە كەن ورنى مەن جابدىقتىڭ قۇنى 47 ميلليون تەڭگە دەپ كٶرسەتٸلسە, باسقا ساراپشىلار پايدالى قازبالاردىڭ ٶزٸن 1 ميلليارد تەڭگەدەن جوعارى باعالاعان, دەپ حابارلايدى ult.kz.
جۋرناليست ميحايل كوزاچكوۆتىڭ مەلٸمەتٸنشە, كٶپ جىل بويى «قاراتاۋ-مرامور» جشس-نە تيەسٸلٸ بولعان كەن ورنى 2007 جىلى بانك نەسيەسٸنە كەپٸلگە قويىلعان. كەيٸن بەرەشەك ٶتەلمەگەندٸكتەن, Halyk Bank كەپٸلدەگٸ مٷلٸكتٸ ساتۋعا كٸرٸسكەن.
كومپانييا يەسٸنٸڭ مۇراگەرٸ رينات جەتپٸسباەۆ قارىزدى جابۋ ٷشٸن ينۆەستور تاۋىپ, بانككە 180 ميلليون تەڭگەدەن استام قاراجات اۋدارعان. الايدا كەن ورنىن ساتۋ رەسٸمٸ توقتاتىلماعان. نەتيجەسٸندە جەر قويناۋىن پايدالانۋ قۇقىعى 45 ميلليون تەڭگەگە ساتىلعان.
كەن ورنىنىڭ قۇنىنا قاتىستى ەكٸ باعالاۋ ەسەبٸنٸڭ اراسىندا ٷلكەن ايىرماشىلىق بولعان. «فاكت» باعالاۋ ورتالىعى كەن ورنى مەن جابدىقتى 47 ميلليون تەڭگەگە باعالاسا, «دوۆەريە» كومپانيياسى پايدالى قازبالاردىڭ قۇنىن 1 ميلليارد تەڭگەدەن جوعارى دەپ كٶرسەتكەن.
اپەللياتسييالىق سوت ساۋدا حاتتاماسىن جويىپ, ساتۋ-ساتىپ الۋ شارتىن جارامسىز دەپ تانىعان. كەيٸن كاسساتسييالىق سوت ٸستٸ قايتا قاراۋعا جٸبەرٸپ, كەن ورنىنىڭ ناقتى قۇنىن انىقتاۋ ٷشٸن ساراپتاما جٷرگٸزۋدٸ تاپسىرعان. الايدا جامبىل وبلىستىق سوتى باستاپقى شەشٸمٸن كٷشٸندە قالدىرعان.
سونىمەن قاتار باعالاۋشىلار پالاتاسىنىڭ ساراپشىلىق كەڭەسٸ 47 ميلليون تەڭگەلٸك ەسەپتەن قاتەلەر تاۋىپ, ونىڭ زاڭناما تالاپتارىنا سەيكەس كەلمەيتٸنٸن كٶرسەتكەن.
ەندٸ ٸس كاسساتسييالىق سوتتا قايتا قارالماق. ال كەن ورنىن ساتىپ العان كومپانييا ونى يگەرۋگە كٸرٸسٸپ كەتكەن. كەن ورنىنىڭ ناقتى قۇنى مەن ونى ساتۋ زاڭدىلىعىنا قاتىستى داۋعا ەزٸرگە نٷكتە قويىلعان جوق.
