Ákimshilik quqyq buzýshylyqtyń 14 quramy boiynsha aiyppul somasy tómendeýi múmkin. Bul týraly Senattaǵy úkimet saǵaty barysynda ishki ister ministri Qalmuhanbet Qasymov aitty, - dep habarlaidy Tengrinews.kz tilshisi.
"Ákimshilik zańnamany izgilendirý maqsatynda biz ózimizdiń quqyq qoldaný tájiribemizdi qaita muqiiat qarap shyǵyp, ákimshilik quqyq buzýshylyqtyń 14 quramy boiynsha aiyppul somasyn qysqartý týraly sheshimge keldik", - dedi ministr.
Onyń aitýynsha, munda jol qozǵalysy erejelerin óreskel buzatyndar týraly aitylyp turǵan joq. "Mysaly, kólikpen toqtap jáne ony turaqqa qoiý kezinde salynatyn aiyppul kólemin azaitý usynylyp otyr. Al farany mindetti túrde qosyp júrý týraly talaptarǵa keletin bolsaq, ol áreket alǵash ret jasalsa, tek eskertý aitý usynylady", - dedi Qasymov.
Sondai-aq, ministr 2017 jyldyń alǵashqy úsh aiynda jol-kólik oqiǵalarynyń 13,2 paiyzǵa azaiǵanyn, jol apatynan qaza tapqandardyń sany 27,2 paiyzǵa jáne zardap shekkenderdiń sany 10,4 paiyzǵa azaiǵanyn aityp ótti. Qasymovtyń aitýynsha, sońǵy jyldary jol apattarynyń sany birinshi kezekte ákimshilik sharalardy kúsheitkendikten qysqarǵan.
.jpeg)