Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
Aimaq

Júrgizýshiler Óskemen ákiminiń ústinen politsiiaǵa shaǵym túsirdi

Ult portaly
Júrgizýshiler Óskemen ákiminiń ústinen politsiiaǵa shaǵym túsirdi

"Habar 24" telearnasynan alynǵan kadr

Óskemendik kólik júrgizýshiler qala ákiminiń ústinen politsiiaǵa aryz túsirdi. Olar mundai qadamǵa joldyń nashar bolýyna bailanysty barǵan. Tártip saqshylary qala turǵyndarynyń jazbasha ótinishterin qabyldaǵan, - dep habarlaidy Tengrinews.kz "Habar 24"telearnasy silteme jasap.

Júrgizýshiler qala basshysyn joldarǵa jaýapsyz qaraidy dep aiyptap otyr.

"Biyl 25 naýryzda Óskemen qalasynyń turǵyny politsiia bólimine joldardy kólik qozǵalysyna arnap, qaýipsiz jaǵdaida ustaý erejelerin buzǵany úshin aryz joldady. Bul aryz Óskemen qalasynyń Politsiia basqarmasynda tirkeldi", - dedi ShQO IID baspasóz qyzmetiniń jetekshisi Tatiana Karpova.

Telearna málimetinshe, Óskemendegi shuńqyrlar bitýmmen emes, kirpishpen jamalǵan. Mundai jóndeý jumystary aýyr jol talǵamaityn kólikterdiń de buzylýyna ákep soǵady.

"Bizde jol joq, shuńqyr-shuńqyr. Kóktem saiyn osyndai jaǵdai bolady. Biraq biyldai buryn bolyp kórgen joq", - deidi tehnikalyq qyzmet kórsetý stantsiiasynyń qyzmetkeri Sergei Ovsiannikov.

Bloger Aleksandra Osipova qala kóshelerindegi jaǵdaidy rastaityn júzdegen video jinaǵan. Onyń oqyrmandarynyń qatarynda kommýnaldy qyzmet basshylary da bar. Alaida jol jóndeý jumystary áli bastalmaǵan.

"Búginde ómir súrýge yńǵaily bolatyn qala úshin quqyǵymyzdy qorǵaityn mehanizm joq. Tek politsiia bar. Aita ketý kerek, bul jyl saiyn bolady. Jyl saiyn qarmen birge asfalt erip ketetinin aitamyz", - dep túsindirdi bloger Aleksandra.

Telearna málimetinshe, shuńqyrlary bar tasjoldarda shalshyq jinalady. Nóser kanalizatsiiasy shuǵyl jóndeýdi qajet etedi. Al Óskemenniń shalǵai aýdandaryndaǵy erigen sý basqan joldary týraly aitý múmkin emes.

"Mekenjai bólimine aryz-shaǵym óte kóp túsedi. Sondai-aq, merdigerge kún saiyn tehnika kólemin ulǵaitý boiynsha tapsyrystar joldanady. Jergilikti atqarýshy organnyń kúshimen 22 myń tekshe metr erigen sý tazartyldy", - dedi Semei qalasynyń jolaýshylar kóligi jáne avtomobil joldary bóliminiń bas mamany Jasar Túsipov.

Óskemende qala kóshelerinde jóndeý jumystaryn júrgizý úshin kún jylynǵanyn kútip otyrǵany aityldy. Olar 50 000 sharshy metrden asa joldy qalpyna keltirýge tyrysady.

"Shamamen, sáýirdiń ekinshi onkúndiginde ýchaskelerdegi jumystar bastalady. Ortasha jóndeý jumystaryn 31 mamyrǵa deiin aiaqtaý josparlanyp otyr", - dedi Óskemen qalasynyń turǵyn úi-kommýnaldyq sharýashylyq jáne avtomobil joldary sektorynyń meńgerýshisi Erjan Ibraev. 

Óńirdegi kólik júrgizýshileri kóktemniń aiaǵyna deiin joldaǵy shuńqyrlardy ainalyp ótýge májbúr bolady. Jergilikti bilikke qatysty jaza áli taǵaiyndalmaǵan. Politsiia departamenti júrgizýshilerdiń aryzdaryn qarap jatyr.

Oqi otyryńyz