Foto: egov.kz
Qazaqstanda emtihan tapsyrmai-aq júrgizýshi kýáligin alyp beremin dep ýáde etken alaiaq úsh azamatty aldap soqqan, dep habarlaidy Ult.kz.
Merki aýdandyq sotynyń málimetinshe, sottalýshy M. tanystaryna júrgizýshi kýáligin emtihansyz alyp beretinin aityp sendirgen. 2025 jyldyń tamyz aiynda ol úsh adamnan jalpy 770 myń teńge alǵan.
Alaiaq ár jábirlenýshiden ártúrli soma alǵan: eki adamnan 300 myń teńgeden, al úshinshisinen 170 myń teńge óndirgen. Alaida ol ýáde etilgen qyzmetti kórsetpei, qarajatty jeke qajettiligine jumsap, keiin bailanysqa shyqpai qoiǵan.
Prokýror sottalýshyǵa 2 jyl 6 ai bas bostandyǵynan aiyrý jazasyn suraǵanymen, sottalýshy kinásin moiyndap, keltirilgen shyǵyndy tolyq ótegen.
Jábirlenýshiler taraptar sottalýshymen tatýlasqanyn jáne talaptary joq ekenin málimdegen. Sot bul jaǵdailardy jeńildetetin mán-jai retinde eskerip, oǵan 3 jyl merzimge probatsiialyq baqylaýmen bas bostandyǵyn shekteý jazasyn taǵaiyndady.
Úkim zańdy kúshine endi.
