Foto: gov.kz
Qaraǵandyda júrgizýshi trotýarǵa shyǵyp ketip, áiel men 4 jastaǵy balasyn qaǵyp, oqiǵa ornynan qashyp ketken, dep habarlaidy Ult.kz Kriminalnyi Kazahstan telegram arnasyna silteme jasap.
Oqiǵa 6 qarasha kúni keshke «Vostok-1» aýdanynda bolǵan. Áleýmettik jelide taraǵan videodan balanyń qar ústinde jatqan anasyn janynda turyp jylap shaqyrǵany kórinedi.
25 jastaǵy áiel balasyn balabaqshadan alyp, úiine qaityp kele jatqan. Dárigerler onyń aiaǵy synǵanyn anyqtady, jaǵdaiy — ortasha aýyr. Bala jaraqat almaǵan, biraq qatty qorqyp qalǵan.
Týystarynyń aitýynsha, kináli adamdy tabý qiyn bolǵan, sebebi oqiǵa ornynda beinebaqylaý kameralary bolmaǵan. Bir táýlikten keiin politsiia kúdiktini ustady, kólik aiyp turaǵyna qoiyldy. Tergeý bastaldy.
