فوتو: gov.kz
قاراعاندىدا جٷرگٸزۋشٸ تروتۋارعا شىعىپ كەتٸپ, ەيەل مەن 4 جاستاعى بالاسىن قاعىپ, وقيعا ورنىنان قاشىپ كەتكەن, دەپ حابارلايدى Ult.kz كريمينالنىي كازاحستان تەلەگرام ارناسىنا سٸلتەمە جاساپ.
وقيعا 6 قاراشا كٷنٸ كەشكە «ۆوستوك-1» اۋدانىندا بولعان. ەلەۋمەتتٸك جەلٸدە تاراعان ۆيدەودان بالانىڭ قار ٷستٸندە جاتقان اناسىن جانىندا تۇرىپ جىلاپ شاقىرعانى كٶرٸنەدٸ.
25 جاستاعى ەيەل بالاسىن بالاباقشادان الىپ, ٷيٸنە قايتىپ كەلە جاتقان. دەرٸگەرلەر ونىڭ اياعى سىنعانىن انىقتادى, جاعدايى — ورتاشا اۋىر. بالا جاراقات الماعان, بٸراق قاتتى قورقىپ قالعان.
تۋىستارىنىڭ ايتۋىنشا, كٸنەلٸ ادامدى تابۋ قيىن بولعان, سەبەبٸ وقيعا ورنىندا بەينەباقىلاۋ كامەرالارى بولماعان. بٸر تەۋلٸكتەن كەيٸن پوليتسييا كٷدٸكتٸنٸ ۇستادى, كٶلٸك ايىپ تۇراعىنا قويىلدى. تەرگەۋ باستالدى.
