Foto: gov.kz
Jetisý oblysy Saryózek eldi mekeninde ornalasqan áskeri bólimde jas sarbaz qaitys boldy, dep habarlaidy Ult.kz, Ratel.kz basylymyna silteme jasap.
Oqiǵa 14 qańtar kúni 12740 áskeri bóliminde bolǵan.
"14.01.25 kúni saǵat 12:30 shamasynda №12740 (Saryózek) áskeri bóliminde qatardaǵy jaýynger Qurmanbek Dastan Maratuly AK-74 avtomatymen júregine oq atqan, ol sol jerde kóz jumdy. Ol 19.10.24 kúni Túrkistan oblysy Maqtaral aýdandyq áskeri okrýginen áskerge alynǵan", – delingen aqparatta.
Oqiǵaǵa qatysty áskeri bólim málimdeme jasady.
“Áskeri-dalalyq oqý-jattyǵýlar kezinde sarbaz atys qarýyn qoldaný erejesin buzyp, keýdesinen jaraqat alǵan. Qylmystyq is qozǵaldy. Ólimniń sebepteri anyqtalyp, tergeý sharalary júrgizilýde, qurlyq áskerleriniń bas qolbasshysy basqaratyn arnaiy komissiia taǵaiyndaldy. Qurlyq áskerleriniń qolbasshylyǵy marqumnyń týǵan-týystary men jaqyndaryna kóńil aitady”, – delingen habarlamada.
