Memleket basshysy Qasym-Jomart Toqaev Úkimetke respýblikalyq jáne jergilikti joldardyń jaǵdaiyn jaqsartý jóninde keshendi sharalar qabyldaýdy tapsyrdy, dep habarlaidy "Ult aqparat".
Bul týraly búgin óziniń Facebook paraqshasynda QR Prezidentiniń baspasóz hatshysy Berik Ýáli jazdy.
«Jumysyn durys atqarmaǵany úshin «QazAvtoJol» UK» AQ Basqarma tóraǵasy U.Álipov qyzmetinen bosatyldy. Barlyq óńirde biýdjet qarjysynyń jumsalýyna, kólik magistraldarynyń salynýyna jáne jóndelýine baqylaý kúsheitiledi. Prezident aldaǵy ýaqytta atalǵan máseleni óziniń jeke baqylaýynda ustaidy», - delingen habarlamada.
Eske sala keteiik, buǵan deiin Memleket basshysy Qasym-Jomart Toqaev elimizdegi jol sapasyn synǵa alyp, Twitter-de jazba qaldyrǵan.
