Foto: © ktk.kz
Qazaqstandyq júk kóligi júrgizýshileri Resei men Belarýsten kelgen áriptesterine shaǵymdandy. Qazaqstandyq kólik kompaniialarynyń aitýynsha, qazir solardyń kesirinen Eýropa elderine kirýge ruqsatty kútý óte uzaq ýaqytty alady. Bul týraly KTK telearnasy siýjetinde aityldy, - dep habarlaidy Tengrinews.kz saity.
"Bizdegi eń ózekti máselelerdiń biri - Eýropa elderine kirýge ruqsat berý blankileri. Bul blankter tapshylyqtan buryn, is júzinde bolmaidy. Sol jyldan bastap belarýs jáne reseilik kompaniialarǵa tirkeýge ruqsat berildi. Olar san jaǵynan avtoparktiń jartysyn qamtamasyz etti, bizde Qazaqstanda qansha mashina qaldy. Jalpy, árine, osy negizde ruqsat blankilerin alady", - dedi kólik kompaniiasynyń direktory Aleksei Avdonchenkov.
Halyqaralyq avtotasymaldaýshylar odaǵy qazir 400-den asa kompaniia tolyq qýatta jumys istei almaitynyn aitty. Endi olar júkti negizinen Qazaqstanǵa tasymaldaýǵa májbúr. Degenmen resmi túrde olar taǵy 43 elge kire alady. Júk tasymaldaýshylardan ruqsat berý merzimin barynsha qysqartýdy suraidy.
Qazaqstandyq tasymaldaýshylardyń narazylyǵyn týdyratyn taǵy bir jait – reseilik jáne belarýs kompaniialary úshin "qaita tirkeýge" salynǵan tyiymnyń alyp tastalýy.
"Máselen, poliak kompaniiasy júkti úshinshi elden - Frantsiiadan alady. Belarýs shekarasyna deiin tasymaldap, jartylai tirkemelerin qazaqstandyq tasymaldaýshyǵa emes, belarýsqa beredi. Al belarýs júrgizýshisi júkti odan ári Qazaqstanǵa tasymaldaidy. Bul - "qaita tirkeý". Nege poliak kompaniiasy bul tirkemeni Qazaqstanǵa bermeidi? Jumysymyzdan aiyrylyp jatyrmyz. Iaǵni, olar bizden jumysymyzdy urlap jatyr", - dedi Qazaqstan Respýblikasy Halyqaralyq avtotasymaldaýshylar odaǵynyń prezidenti Mahsat Saqtaǵanov.
video: KTK telearnasynyń YouTube kanaly
