«Damý» qory «Al Hilal» Islam bankimen birge balamaly qarjylandyrý tetikterin iske qosady. Bul jaily tolyǵyraq «Damý» kásipkerlikti damytý qory» AQ memlekettik organdar men ózara áreket etý departamentiniń direktory Gúlsaia Zainelǵabdina aityp berdi, dep habarlaidy "Ult aqparat".
«Biyl «Damý» qory «Al Hilal» Islam bankimen birge balamaly qarjylandyrý tetikterin iske qosa bastady. Osy jyldyń sáýir aiynda 75 mlrd teńge Islam bankine salyndy. Bul – Islam qarjylandyrýyn ary qarai damytý maqsatyndaǵy qadam. Bul quraldy damytý úshin saýda mýrabahasy engiziledi. Osylaisha Islam qarjylandyrýynyń kómegimen jobasyn damytqysy keletin kásipkerler – óz jumysynyń reti Shariǵat talaptary men baǵdarlama sharttaryna sai bolǵan jaǵdaida nesie ala alady», - dedi Gúlsaia Zainelǵabdina OKQ-da onlain rejimde ótken baspasóz máslihatynda.
Aita ketsek buǵan deiin QR UEM kásipkerlikti damytý departamentiniń direktory Shyńǵys Ahmetov «Biznestiń jol kartasy – 2025» baǵdarlamasy men «Qarapaiym zattar ekonomikasy» baǵdarlamasy biznes ielerine memleket qandai qoldaý sharalaryn kórsetetinin aityp bergen edi.
