«دامۋ» قورى «Al Hilal» يسلام بانكٸمەن بٸرگە بالامالى قارجىلاندىرۋ تەتٸكتەرٸن ٸسكە قوسادى. بۇل جايلى تولىعىراق «دامۋ» كەسٸپكەرلٸكتٸ دامىتۋ قورى» اق مەملەكەتتٸك ورگاندار مەن ٶزارا ەرەكەت ەتۋ دەپارتامەنتٸنٸڭ ديرەكتورى گٷلسايا زاينەلعابدينا ايتىپ بەردٸ, دەپ حابارلايدى "ۇلت اقپارات".
«بيىل «دامۋ» قورى «Al Hilal» يسلام بانكٸمەن بٸرگە بالامالى قارجىلاندىرۋ تەتٸكتەرٸن ٸسكە قوسا باستادى. وسى جىلدىڭ سەۋٸر ايىندا 75 ملرد تەڭگە يسلام بانكٸنە سالىندى. بۇل – يسلام قارجىلاندىرۋىن ارى قاراي دامىتۋ ماقساتىنداعى قادام. بۇل قۇرالدى دامىتۋ ٷشٸن ساۋدا مۋراباحاسى ەنگٸزٸلەدٸ. وسىلايشا يسلام قارجىلاندىرۋىنىڭ كٶمەگٸمەن جوباسىن دامىتقىسى كەلەتٸن كەسٸپكەرلەر – ٶز جۇمىسىنىڭ رەتٸ شاريعات تالاپتارى مەن باعدارلاما شارتتارىنا ساي بولعان جاعدايدا نەسيە الا الادى», - دەدٸ گٷلسايا زاينەلعابدينا وكق-دا ونلاين رەجيمدە ٶتكەن باسپاسٶز مەسليحاتىندا.
ايتا كەتسەك بۇعان دەيٸن قر ۇەم كەسٸپكەرلٸكتٸ دامىتۋ دەپارتامەنتٸنٸڭ ديرەكتورى شىڭعىس احمەتوۆ «بيزنەستٸڭ جول كارتاسى – 2025» باعدارلاماسى مەن «قاراپايىم زاتتار ەكونوميكاسى» باعدارلاماسى بيزنەس يەلەرٸنە مەملەكەت قانداي قولداۋ شارالارىن كٶرسەتەتٸنٸن ايتىپ بەرگەن ەدٸ.
