Avstraliia úkimeti Sidnei opera teatrynyń jobasyn 1958 jyly bastady. Joba 1963 jyly aiaqtalýy kerek edi, biraq teatr tek 1973 jyly ashyldy. Gonkong-Chjýhai-Makao kópiri, Villi Brandt atyndaǵy Berlin áýejaiy, jeti jylǵa keshikken HS2 britan temir joly da osy jaǵdaiǵa uqsas. Jumysty ýaqytynda aiaqtaýǵa ne kedergi jáne onyń sebebi nede? dep jazady VVS.
Mundai jaǵdaiǵa qyzmetkerlerdiń jalqaýlyǵy nemese baiaý jumys isteýi sebep bolýy múmkin. Degenmen, psihologtar jumys josparlaý qateliginiń kesirinen ýaqytynda oryndalmaitynyn aitýda.
«Siz kúrdeli kásibi jobany basqarasyz ba nemese úiińizdi jóndegińiz kele me, ne isteýge bekinseńiz de, jumysyńyzdyń siz oilaǵan ýaqytta oryndalyp bitpeýi josparlaý qateliginen bolady. Bul termindi alǵash ret psiholog, ekonomist, Nobel syilyǵynyń iegeri Amos Tverskii 1970 jyldary engizdi. Ol kópshiligi belgili bir jobany oryndaýǵa qansha ýaqyt keregin durys anyqtamaitynyn, sonymen qatar ótken jobalardaǵy qatelikterge qaramastan kóbi jobaǵa ketetin ýaqytty qaitadan durys boljamaitynyn anyqtaǵan» dep jazady basylym.
