35 myńnan astam adamǵa Memlekettik áleýmettik saqtandyrý qorynan jumysynan aiyrylýyna bailanysty tólem berildi, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Mamyr aiynda 5,2 myń azamatqa járdemaqy taǵaiyndalǵan.
«Qoldanystaǵy zańnamaǵa sáikes jumystan bosatylǵan qyzmetkerler mindetti áleýmettik saqtandyrý júiesine qatysý ótiline jáne sońǵy 24 aidaǵy tabysyna bailanysty 1 aidan 6 aiǵa deiin jumysynan airylýy boiynsha áleýmettik tólem alady. Tólem joǵalǵan kiristiń 40%-yna deiingi mólsherde MÁSQ qarajaty esebinen júzege asyrylady», delingen habarlamada.
Tólem taǵaiyndaý úshin jumystan bosatylǵan qyzmetker Egov.kz portalynda avtorizatsiialaný; «Jumysqa ornalastyrý jáne jumyspen qamtý» bóliminde «Jumys izdeýshi adamdardy tirkeý» qyzmetin tańdaý; Onlain-qyzmetke tapsyrys berip, barlyq alańdardy toltyrý jáne oǵan ETsQ-men qol qoiyp, ótinimdi jiberý qajet.
Bir kún ishinde turǵylyqty jeri boiynsha halyqty jumyspen qamtý ortalyǵy bos jumys oryndaryn usynady. Eger jumys tabylmasa ótinim berýshige 3 jumys kúni ishinde qashyqtan jumyssyz mártebesi beriledi (qajet bolǵan jaǵdaida qosymsha aqparat jinaý úshin sizge HJQO qyzmetkeri habarlasady).
Jumyssyz retinde tirkelgeni týraly málimetter bolǵan kezde Eńbekmininiń aqparattyq júiesi proaktivti formatta MÁSQ-tan tólemdi taǵaiyndaý boiynsha qyzmet kórsetýge kelisý úshin mobildi telefonǵa SMS habarlama jiberedi. Kelisken jaǵdaida SMS habarlamaǵa jaýap berý qajet. Tólem avtomatty túrde taǵaiyndalady.
Esterińizge sala keteiik, MÁSQ qarajaty esebinen jumysynan aiyrylǵan jaǵdaida tólenetin áleýmettik tólem jumystan shyǵý sebepterine qaramastan júzege asyrylady jáne jumyssyz adamdy ol jumys izdegen kezeńde qoldaýǵa arnalǵan.
