35 مىڭنان استام ادامعا مەملەكەتتٸك ەلەۋمەتتٸك ساقتاندىرۋ قورىنان جۇمىسىنان ايىرىلۋىنا بايلانىستى تٶلەم بەرٸلدٸ, دەپ حابارلايدى "ۇلت اقپارات" قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
مامىر ايىندا 5,2 مىڭ ازاماتقا جەردەماقى تاعايىندالعان.
«قولدانىستاعى زاڭناماعا سەيكەس جۇمىستان بوساتىلعان قىزمەتكەرلەر مٸندەتتٸ ەلەۋمەتتٸك ساقتاندىرۋ جٷيەسٸنە قاتىسۋ ٶتٸلٸنە جەنە سوڭعى 24 ايداعى تابىسىنا بايلانىستى 1 ايدان 6 ايعا دەيٸن جۇمىسىنان ايرىلۋى بويىنشا ەلەۋمەتتٸك تٶلەم الادى. تٶلەم جوعالعان كٸرٸستٸڭ 40%-ىنا دەيٸنگٸ مٶلشەردە مەسق قاراجاتى ەسەبٸنەن جٷزەگە اسىرىلادى», دەلٸنگەن حابارلامادا.
تٶلەم تاعايىنداۋ ٷشٸن جۇمىستان بوساتىلعان قىزمەتكەر Egov.kz پورتالىندا اۆتوريزاتسييالانۋ; «جۇمىسقا ورنالاستىرۋ جەنە جۇمىسپەن قامتۋ» بٶلٸمٸندە «جۇمىس ٸزدەۋشٸ ادامداردى تٸركەۋ» قىزمەتٸن تاڭداۋ; ونلاين-قىزمەتكە تاپسىرىس بەرٸپ, بارلىق الاڭداردى تولتىرۋ جەنە وعان ەتسق-مەن قول قويىپ, ٶتٸنٸمدٸ جٸبەرۋ قاجەت.
بٸر كٷن ٸشٸندە تۇرعىلىقتى جەرٸ بويىنشا حالىقتى جۇمىسپەن قامتۋ ورتالىعى بوس جۇمىس ورىندارىن ۇسىنادى. ەگەر جۇمىس تابىلماسا ٶتٸنٸم بەرۋشٸگە 3 جۇمىس كٷنٸ ٸشٸندە قاشىقتان جۇمىسسىز مەرتەبەسٸ بەرٸلەدٸ (قاجەت بولعان جاعدايدا قوسىمشا اقپارات جيناۋ ٷشٸن سٸزگە حجقو قىزمەتكەرٸ حابارلاسادى).
جۇمىسسىز رەتٸندە تٸركەلگەنٸ تۋرالى مەلٸمەتتەر بولعان كەزدە ەڭبەكمينٸنٸڭ اقپاراتتىق جٷيەسٸ پرواكتيۆتٸ فورماتتا مەسق-تان تٶلەمدٸ تاعايىنداۋ بويىنشا قىزمەت كٶرسەتۋگە كەلٸسۋ ٷشٸن موبيلدٸ تەلەفونعا SMS حابارلاما جٸبەرەدٸ. كەلٸسكەن جاعدايدا SMS حابارلاماعا جاۋاپ بەرۋ قاجەت. تٶلەم اۆتوماتتى تٷردە تاعايىندالادى.
ەستەرٸڭٸزگە سالا كەتەيٸك, مەسق قاراجاتى ەسەبٸنەن جۇمىسىنان ايىرىلعان جاعدايدا تٶلەنەتٸن ەلەۋمەتتٸك تٶلەم جۇمىستان شىعۋ سەبەپتەرٸنە قاراماستان جٷزەگە اسىرىلادى جەنە جۇمىسسىز ادامدى ول جۇمىس ٸزدەگەن كەزەڭدە قولداۋعا ارنالعان.
