كٶكشەتاۋ تۇرعىنى شەتەلگە جۇمىسقا ورنالاستىرۋدى ۋەدە ەتٸپ, 92 ازاماتتان شامامەن 70 ملن تەڭگە العان. ول الاياقتىق جاساعانى ٷشٸن سوتتالدى, دەپ حابارلايدى ult.kz.
اقمولا وبلىستىق سوتىنىڭ مەلٸمەتٸنشە, جەكە كەسٸپكەر 2024 جىلدان باستاپ ازاماتتارعا شەتەلدە جۇمىسقا ورنالاسۋعا قاجەتتٸ قۇجاتتاردى رەسٸمدەۋ قىزمەتٸن ۇسىنعان. ول ەلەۋمەتتٸك جەلٸدە ٶزٸن بلوگەر رەتٸندە تانىستىرىپ, انگليياعا جۇمىسقا ورنالاستىرۋ, ۆيزا مەن مەديتسينالىق ساقتاندىرۋ رەسٸمدەۋ جەنە ۇشۋ ۋاقىتىن ۇيىمداستىرۋعا ۋەدە بەرگەن.
الايدا اقشانى العاننان كەيٸن مٸندەتتەمەلەرٸن ورىنداماعان. كليەنتتەردەن بايلانىسىن ٷزگەن, كەزدەسۋلەردەن قاشىپ, قوڭىراۋلارعا جاۋاپ بەرمەگەن.
تەرگەۋ مەلٸمەتٸنشە, كٷدٸكتٸ كٶكشەتاۋ, استانا جەنە قاراعاندى قالالارىنان, سونداي-اق اقمولا, قاراعاندى, قوستاناي, سولتٷستٸك قازاقستان جەنە قىزىلوردا وبلىستارىنان 92 ازاماتتىڭ جالپى سوماسى شامامەن 70 ملن تەڭگەسٸن يەمدەنگەن. ەر ادامنان 250 مىڭنان 1 ملن تەڭگەگە دەيٸن اقشا العان.
سوت ٷكٸمٸمەن وعان 6 جىل 8 ايعا باس بوستاندىعىنان ايىرۋ جازاسى تاعايىندالدى. سونىمەن قاتار بەس جىل بويى ازاماتتاردىڭ اقشاسىن كوممەرتسييالىق جەنە ٶزگە دە قىزمەتكە تارتۋعا بايلانىستى قىزمەتپەن اينالىسۋ قۇقىعىنان ايىرىلدى.
الايدا سوتتالۋشىنىڭ كەمەلەتكە تولماعان ەكٸ بالاسى بار ەكەنٸ ەسكەرٸلٸپ, باس بوستاندىعىنان ايىرۋ جازاسىن ٶتەۋ بٸر جىلعا كەيٸنگە قالدىرىلدى.
سوت 28 جەبٸرلەنۋشٸنٸڭ ازاماتتىق تالاپتارىن قاناعاتتاندىرىپ, ولارعا كەلتٸرٸلگەن ماتەريالدىق زالالدى ٶندٸرۋ تۋرالى شەشٸم شىعاردى. ٶتەماقى مٶلشەرٸ ەر جەبٸرلەنۋشٸ ٷشٸن 200 مىڭ تەڭگەدەن 1 ميلليون تەڭگەدەن استام سوماعا دەيٸن جەتەدٸ.
سوت ٷكٸمٸ ەزٸرگە زاڭدى كٷشٸنە ەنگەن جوق.
