شىمكەنتتە ەركٸن كٷرەستەن سپورت شەبەرٸ, 40 جاستاعى ۆاسيليي كولەسنيكوۆتىڭ ٶلٸمٸنە قاتىستى قىلمىستىق ٸس بويىنشا سوت جارىسسٶزٸ باستالدى. مەملەكەتتٸك ايىپتاۋشى التى سوتتالۋشىعا 22 جىلدان 24 جىلعا دەيٸن باس بوستاندىعىنان ايىرۋ جازاسىن سۇرادى, دەپ حابارلايدى ult.kz.
جەتٸنشٸ ارنانىڭ مەلٸمەتٸنشە, قايعىلى وقيعا بيىل قاڭتاردا بولعان. تەرگەۋ نۇسقاسىنا سەيكەس, كٶشەدەگٸ جول-كٶلٸك وقيعاسى مەن تٶبەلەستەن كەيٸن كولەسنيكوۆ ۇرلانىپ, كەيٸن ٶلتٸرٸلگەن.
ٸس بويىنشا ماقسۇت ارىسباەۆ, ەليحان ەرٸمبەت, راۋان ٸڭكەربەكوۆ, دارحان قىزبالاەۆ, بەكاسىل جۇمانازار جەنە جاندٸلدە قۋاندىقوۆ سوت الدىندا جاۋاپ بەرٸپ جاتىر. تاعى بٸر كٷدٸكتٸ مارات دەۋلاسوۆ حالىقارالىق ٸزدەۋدە. ال بولجامدى قاتىسۋشىلاردىڭ بٸرٸنٸڭ جەكە باسى ەزٸرگە انىقتالماعان.
پروكۋرور سوتتالۋشىلاردى الدىن الا سٶز بايلاسۋ ارقىلى ادام ٶلتٸرۋ, ادام ٶلتٸرۋگە وقتالۋ, ادام ۇرلاۋ جەنە بۇزاقىلىق بويىنشا كٸنەلٸ دەپ تانۋدى سۇرادى. سونىمەن قاتار جەبٸرلەنۋشٸ تاراپقا مورالدىق شىعىن رەتٸندە 10 ميلليون تەڭگەدەن تٶلەۋدٸ تالاپ ەتتٸ.
ٸستە كولەسنيكوۆپەن بٸرگە كٶلٸكتە بولعان ماقسات كٶشكٸنباەۆقا جاسالعان شابۋىل دا قارالىپ جاتىر. ول جولداعى تٶبەلەس كەزٸندە اۋىر جاراقات العان.
التى سوتتالۋشى مەن ولاردىڭ ادۆوكاتتارى ادام ٶلتٸرۋ جەنە ادام ٶلتٸرۋگە وقتالۋ تۋرالى ايىپتاردى مويىندامايدى. قورعاۋ تاراپىنىڭ ايتۋىنشا, كولەسنيكوۆتى ناقتى كٸم ٶلتٸرگەنٸن دەلەلدەيتٸن جەتكٸلٸكتٸ ايعاق جوق, سوندىقتان بۇل ايىپتار بولجامعا نەگٸزدەلگەن. ولار وسى باپتار بويىنشا سوتتالۋشىلاردى اقتاۋدى سۇرادى.
