بۇعان دەيٸن “وپەراتور روپ” اتاۋىمەن جۇمىس ٸستەگەن Greens Development كومپانيياسى جەكە زاڭدى تۇلعا رەتٸندە قىزمەتٸن توقتاتپاق. كومپانييا مەملەكەتتٸك “جاسىل دامۋ” وپەراتورىنا قوسىلىپ, ونىڭ بارلىق قۇقىقتارى مەن مٸندەتتەرٸ سوعان ٶتەدٸ, دەپ حابارلايدى ult.kz.

تيٸستٸ شەشٸم كومپانييانى قايتا ۇيىمداستىرۋ اياسىندا قابىلدانعان.

Greens Development 2022 جىلعا دەيٸن قازاقستانداعى كەدەگە جاراتۋ الىمىن ەكٸمشٸلەندٸرۋمەن اينالىستى. قاڭتار وقيعالارىنان كەيٸن كومپانييا مەملەكەت مەنشٸگٸنە ٶتٸپ, ۋتيلالىمدى باسقارۋ فۋنكتسيياسى “جاسىل دامۋ” كومپانيياسىنا بەرٸلگەن ەدٸ. مەملەكەت مەنشٸگٸنە ٶتكەنگە دەيٸن “وپەراتور روپ” كومپانيياسى ەلييا نازارباەۆامەن بايلانىستىرىلىپ كەلگەن.

كومپانييانىڭ بۇرىنعى قىزمەتٸنە قاتىستى قىلمىستىق ٸس تە قوزعالعان. 2023 جىلى سوت ٷلەستەس كومپانييانىڭ قىزمەتتەرٸن جوعارى باعامەن ساتىپ الۋ كەزٸندە 26,8 ملرد تەڭگە جىمقىرىلعانىن انىقتادى. ٸس بويىنشا ٷش ادام جەتٸ جىلعا باس بوستاندىعىنان ايىرىلدى. سونىمەن قاتار 28,2 ملرد تەڭگە كٶلەمٸندەگٸ تالاپ “جاسىل دامۋ” پايداسىنا قاناعاتتاندىرىلدى.

كەيٸن مەملەكەتتٸك وپەراتوردىڭ ۋتيلالىمنان تٷسكەن قاراجاتتى پايدالانۋىنا قاتىستى دا سىن ايتىلدى. جوعارى اۋديتورلىق پالاتا ەكولوگييالىق جوبالاردى قارجىلاندىرۋدىڭ اشىقتىعىنا نازار اۋدارعان.

اۋديت مەلٸمەتٸنە سەيكەس, “جاسىل دامۋ” قاراستىرىلعان 15 باعىتتىڭ تەك ەكەۋٸن قارجىلاندىرعان. ال 2022 جىلى جينالعان 259 ملرد تەڭگەنٸڭ, ياعني ۋتيلالىم تٶلەمدەرٸنٸڭ 99,6 پايىزى اۆتوكٶلٸك ٶنەركەسٸبٸن قولداۋعا باعىتتالعان.

ايتا كەتەيٸك, نازارباەۆتار ەۋلەتٸندە دٷبٸرلٸ توي ٶتتٸ. 

ەلييا نازارباەۆا كٸم?

ەلييا نۇرسۇلتانقىزى نازارباەۆا - قازاقستاندىق كەسٸپكەر جەنە قوعام قايراتكەرٸ, قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ كٸشٸ قىزى. ول 1980 جىلى الماتىدا دٷنيەگە كەلگەن.

ەلييا نازارباەۆا قازاقستاندا جەنە شەتەلدە بٸلٸم العان. لوندونداعى Richmond University مەن اقش-تاعى George Washington University-دە حالىقارالىق قاتىناستار ماماندىعى بويىنشا وقىپ, 2001 جىلى قازاق مەملەكەتتٸك زاڭ اكادەميياسىنىڭ زاڭ فاكۋلتەتٸن تەمامداعان. كەيٸن ەكونوميكا جەنە بيزنەس سالاسىندا ماگيستر دەرەجەسٸن العان.

ەڭبەك جولىندا “ەۆروپا پليۋس” راديوسىندا ديرەكتوردىڭ كٶمەكشٸسٸ, “تۇرانەلەمبانكتٸڭ” زاڭ دەپارتامەنتٸندە تاعىلىمگەر جەنە نۇرسۇلتان نازارباەۆتىڭ حاتشىسى بولىپ جۇمىس ٸستەگەن. سونداي-اق قۇرىلىس بيزنەسٸمەن اينالىسىپ, “ەليتستروي” كومپانيياسىن باسقارعان.

ەلييا نازارباەۆا ەكولوگييا جەنە قوعامدىق جوبالارمەن دە اينالىسقان, سونداي-اق كينوپروديۋسەر رەتٸندە تانىلعان. 2018 جىلى “اناعا اپارار جول” فيلمٸنە قاتىسقانى ٷشٸن قازاقستاننىڭ ەدەبيەت پەن ٶنەر سالاسىنداعى مەملەكەتتٸك سىيلىعىن العان.