Buǵan deiin “Operator ROP” ataýymen jumys istegen Greens Development kompaniiasy jeke zańdy tulǵa retinde qyzmetin toqtatpaq. Kompaniia memlekettik “Jasyl damý” operatoryna qosylyp, onyń barlyq quqyqtary men mindetteri soǵan ótedi, dep habarlaidy ult.kz.
Tiisti sheshim kompaniiany qaita uiymdastyrý aiasynda qabyldanǵan.
Greens Development 2022 jylǵa deiin Qazaqstandaǵy kádege jaratý alymyn ákimshilendirýmen ainalysty. Qańtar oqiǵalarynan keiin kompaniia memleket menshigine ótip, ýtilalymdy basqarý fýnktsiiasy “Jasyl damý” kompaniiasyna berilgen edi. Memleket menshigine ótkenge deiin “Operator ROP” kompaniiasy Áliia Nazarbaevamen bailanystyrylyp kelgen.
Kompaniianyń burynǵy qyzmetine qatysty qylmystyq is te qozǵalǵan. 2023 jyly sot úlestes kompaniianyń qyzmetterin joǵary baǵamen satyp alý kezinde 26,8 mlrd teńge jymqyrylǵanyn anyqtady. Is boiynsha úsh adam jeti jylǵa bas bostandyǵynan aiyryldy. Sonymen qatar 28,2 mlrd teńge kólemindegi talap “Jasyl damý” paidasyna qanaǵattandyryldy.
Keiin memlekettik operatordyń ýtilalymnan túsken qarajatty paidalanýyna qatysty da syn aityldy. Joǵary aýditorlyq palata ekologiialyq jobalardy qarjylandyrýdyń ashyqtyǵyna nazar aýdarǵan.
Aýdit málimetine sáikes, “Jasyl damý” qarastyrylǵan 15 baǵyttyń tek ekeýin qarjylandyrǵan. Al 2022 jyly jinalǵan 259 mlrd teńgeniń, iaǵni ýtilalym tólemderiniń 99,6 paiyzy avtokólik ónerkásibin qoldaýǵa baǵyttalǵan.
Aita keteiik, Nazarbaevtar áýletinde dúbirli toi ótti.
Áliia Nazarbaeva kim?
Áliia Nursultanqyzy Nazarbaeva - qazaqstandyq kásipker jáne qoǵam qairatkeri, Qazaqstannyń tuńǵysh prezidenti Nursultan Nazarbaevtyń kishi qyzy. Ol 1980 jyly Almatyda dúniege kelgen.
Áliia Nazarbaeva Qazaqstanda jáne shetelde bilim alǵan. Londondaǵy Richmond University men AQSh-taǵy George Washington University-de halyqaralyq qatynastar mamandyǵy boiynsha oqyp, 2001 jyly Qazaq memlekettik zań akademiiasynyń zań fakýltetin támamdaǵan. Keiin ekonomika jáne biznes salasynda magistr dárejesin alǵan.
Eńbek jolynda “Evropa pliýs” radiosynda direktordyń kómekshisi, “TuranÁlemBanktiń” zań departamentinde taǵylymger jáne Nursultan Nazarbaevtyń hatshysy bolyp jumys istegen. Sondai-aq qurylys biznesimen ainalysyp, “Elitstroi” kompaniiasyn basqarǵan.
Áliia Nazarbaeva ekologiia jáne qoǵamdyq jobalarmen de ainalysqan, sondai-aq kinoprodiýser retinde tanylǵan. 2018 jyly “Anaǵa aparar jol” filmine qatysqany úshin Qazaqstannyń ádebiet pen óner salasyndaǵy Memlekettik syilyǵyn alǵan.
