2020 jyly memlekettik eńbek inspektorlary 31 myńnan astam jumyskerdiń quqyǵyn qorǵady, dep habarlaidy "Ult aqparat".
2020 jylǵy 31 jeltoqsandaǵy jaǵdai boiynsha memlekettik eńbek inspektorlary respýblikanyń 1184 kásipornynda 31 myń jumysker aldynda 4,2 mlrd teńgeden astam jalaqy bereshegi bar ekenin anyqtady.
Atalǵan kásiporyn basshylaryna oryndalýǵa mindetti 790 nusqama berilip, 106,4 mln teńgeden astam aiyppul salyndy.
Qoldanylǵan sharalardyń nátijesinde, onyń ishinde jalaqy boiynsha bereshekti óteýdiń merzimi men kestesin qatań belgileý arqyly 31 myńnan astam jumyskerdiń quqyǵy qorǵalyp, olarǵa 4,2 mlrd teńge tólendi.
Jalpy, ótken jyly memlekettik eńbek inspektorlary 3,9 myń tekserý júrgizdi.
QR eńbek zańnamasyn buzýdyń 6,1 myńnan astam faktisi anyqtalyp, 174,3 mln teńge somaǵa aiyppul salyndy.
