2020 جىلى مەملەكەتتٸك ەڭبەك ينسپەكتورلارى 31 مىڭنان استام جۇمىسكەردٸڭ قۇقىعىن قورعادى, دەپ حابارلايدى "ۇلت اقپارات".
2020 جىلعى 31 جەلتوقسانداعى جاعداي بويىنشا مەملەكەتتٸك ەڭبەك ينسپەكتورلارى رەسپۋبليكانىڭ 1184 كەسٸپورنىندا 31 مىڭ جۇمىسكەر الدىندا 4,2 ملرد تەڭگەدەن استام جالاقى بەرەشەگٸ بار ەكەنٸن انىقتادى.
اتالعان كەسٸپورىن باسشىلارىنا ورىندالۋعا مٸندەتتٸ 790 نۇسقاما بەرٸلٸپ, 106,4 ملن تەڭگەدەن استام ايىپپۇل سالىندى.
قولدانىلعان شارالاردىڭ نەتيجەسٸندە, ونىڭ ٸشٸندە جالاقى بويىنشا بەرەشەكتٸ ٶتەۋدٸڭ مەرزٸمٸ مەن كەستەسٸن قاتاڭ بەلگٸلەۋ ارقىلى 31 مىڭنان استام جۇمىسكەردٸڭ قۇقىعى قورعالىپ, ولارعا 4,2 ملرد تەڭگە تٶلەندٸ.
جالپى, ٶتكەن جىلى مەملەكەتتٸك ەڭبەك ينسپەكتورلارى 3,9 مىڭ تەكسەرۋ جٷرگٸزدٸ.
قر ەڭبەك زاڭناماسىن بۇزۋدىڭ 6,1 مىڭنان استام فاكتٸسٸ انىقتالىپ, 174,3 ملن تەڭگە سوماعا ايىپپۇل سالىندى.
