Jumyspen qamtýdyń 2020-2021 jyldarǵa arnalǵan jol kartasy sheńberinde 6,6 myńnan astam jobany iske asyrý bastaldy, onda 130 myń teńgelik ortasha jalaqymen 196 myń adam jumyspen qamtylǵan. Bul jóninde Eńbek jáne halyqty áleýmettik qorǵaý ministrligi habarlady.
JQJK infraqurylym jobalaryn iske asyrý 4 negizgi baǵyt boiynsha ótedi:
– áleýmettik-mádeni nysandardy kúrdeli jáne aǵymdaǵy jóndeý, rekonstrýktsiialaý jáne salý;
– turǵyn úi-kommýnaldyq sharýashylyq nysandaryn kúrdeli, ortasha jáne aǵymdaǵy jóndeý, rekonstrýktsiialaý;
– injenerlik-kólik infraqurylymyn kúrdeli, ortasha jáne aǵymdaǵy jóndeý, rekonstrýktsiialaý jáne salý;
– eldi mekenderdi abattandyrý.
JQJK infraqurylymdyq jobalaryn iske asyrý kezinde otandyq óndirýshilerdiń keminde 90%-ynyń taýarlary men qyzmetterin qoldanýdy qamtamasyz etý erekshe shart bolyp tabylady.
Jumysshylardyń keminde jartysyn jumyspen qamtý ortalyqtary arqyly jaldaidy, basymdyq jumyssyz jastarǵa beriledi. Merdigerler sanitarlyq-epidemiologiialyq sharalardy qoldana otyryp, qaýipsiz eńbek jaǵdaiyn qamtamasyz etýge tiis.
Baǵdarlamaǵa qatysýshylardyń jartysy - aýyl turǵyndary, 40% – jastar jáne 7% –tabysy az azamattar.
JQJK sheńberinde jumyspen qamtylǵandardyń eń joǵary úlesi Shyǵys Qazaqstan (20 myń adam nemese 106,2%), Qyzylorda (9,3 myń adam nemese 99,9%) jáne Atyraý (6,9 myń adam nemese 97,7%) oblystarynda.
Buǵan deiin habarlanǵandai, JQJK aiasynda barlyǵy 255 myń jumys ornyn ashý josparlanýda. Bul rette JQJK jobalary bolashaqta 100 myńnan astam turaqty jumys ornyn ashýǵa negiz bolady.
