Foto: Tengrinews.kz/Turar Qazanǵapov
Premer-ministrdiń orynbasary - Saýda jáne integratsiia ministri Serik Jumanǵarin reseilikter úshin shekarany jabý múmkindigi týraly suraqqa jaýap berdi, - dep habarlaidy Tengrinews.kz.
"Reseiliktermen baýyrlaspyz. Halyq qiyn jaǵdaiǵa tap bolǵanda kómek kórsetpegenimiz qalai. Osydan 80 jyl buryn atalarymyz birge maidanda boldy. Endi olarǵa: "Shekara jabyq, kelmeńder" dep aitýymyz kerek pe? Odan keiin ózimizdi syilai alamyz ba? Bul bizdiń ult retindegi ulttyq bolmysymyzǵa sáikes kelmes. Biz baýyrmal, qonaqjai halyqpyz. Kezinde óz territoriiamyzǵa 100 halyqty qabyldaǵanbyz", - dep Jumanǵarin Senat otyrysynda jýrnalisterdiń suraqtaryna jaýap berdi.
"Azyq-túlikke keletin bolsaq, biz ony qamtamasyz etemiz, bul týraly alańdamańyzdar. Biz azyq-túlik tasymaldaýshy kólikterdiń alǵa jyljýyn jedeldetip jatyrmyz", - dedi ministr.
Ol ótken aptada Máskeýde, dúisenbide Ózbekstanda, odan buryn Qyrǵyzstanda azyq-túlik ónimderin jetkizý týraly kelissózder júrgizgenin aitty.
"Biz kelisimderge qol qoiyp jatyrmyz. Keshe osynda jemis-kókónis ónimderin jetkizý boiynsha Pákistannyń Saýda ministrimen kezdestim. Bul baǵytta turaqty jumys júrgizilip jatyr", - dep sendirdi ol.
