فوتو: Tengrinews.kz/تۇرار قازانعاپوۆ
پرەمەر-مينيستردٸڭ ورىنباسارى - ساۋدا جەنە ينتەگراتسييا مينيسترٸ سەرٸك جۇمانعارين رەسەيلٸكتەر ٷشٸن شەكارانى جابۋ مٷمكٸندٸگٸ تۋرالى سۇراققا جاۋاپ بەردٸ, - دەپ حابارلايدى Tengrinews.kz.
"رەسەيلٸكتەرمەن باۋىرلاسپىز. حالىق قيىن جاعدايعا تاپ بولعاندا كٶمەك كٶرسەتپەگەنٸمٸز قالاي. وسىدان 80 جىل بۇرىن اتالارىمىز بٸرگە مايداندا بولدى. ەندٸ ولارعا: "شەكارا جابىق, كەلمەڭدەر" دەپ ايتۋىمىز كەرەك پە? ودان كەيٸن ٶزٸمٸزدٸ سىيلاي الامىز با? بۇل بٸزدٸڭ ۇلت رەتٸندەگٸ ۇلتتىق بولمىسىمىزعا سەيكەس كەلمەس. بٸز باۋىرمال, قوناقجاي حالىقپىز. كەزٸندە ٶز تەرريتورييامىزعا 100 حالىقتى قابىلداعانبىز", - دەپ جۇمانعارين سەنات وتىرىسىندا جۋرناليستەردٸڭ سۇراقتارىنا جاۋاپ بەردٸ.
"ازىق-تٷلٸككە كەلەتٸن بولساق, بٸز ونى قامتاماسىز ەتەمٸز, بۇل تۋرالى الاڭداماڭىزدار. بٸز ازىق-تٷلٸك تاسىمالداۋشى كٶلٸكتەردٸڭ العا جىلجۋىن جەدەلدەتٸپ جاتىرمىز", - دەدٸ مينيستر.
ول ٶتكەن اپتادا مەسكەۋدە, دٷيسەنبٸدە ٶزبەكستاندا, ودان بۇرىن قىرعىزستاندا ازىق-تٷلٸك ٶنٸمدەرٸن جەتكٸزۋ تۋرالى كەلٸسسٶزدەر جٷرگٸزگەنٸن ايتتى.
"بٸز كەلٸسٸمدەرگە قول قويىپ جاتىرمىز. كەشە وسىندا جەمٸس-كٶكٶنٸس ٶنٸمدەرٸن جەتكٸزۋ بويىنشا پەكٸستاننىڭ ساۋدا مينيسترٸمەن كەزدەستٸم. بۇل باعىتتا تۇراقتى جۇمىس جٷرگٸزٸلٸپ جاتىر", - دەپ سەندٸردٸ ول.
