Foto: instagram/01pk
Búgin QR Premer-ministrdiń orynbasary Serik Jumanǵarin Biz Birgemiz qorynyń basshysy Perizat Qairatqa qatysty is týraly pikir bildirdi, dep habarlaidy ULT.KZ.
Premer-ministrdiń orynbasarynan tilshiler Biz Birgemiz qorynyń 10 adamnan turatyn quryltaishylary bolǵanyn jáne olardyń kóbi Amanat partiiasynyń músheleri ekenin aityp, bul jaǵdai partiianyń jáne qaiyrymdylyq institýtynyń bedeline áser etpei me ekenin surady. Ózi de Amanat partiiasynyń múshesi bolyp tabylatyn Serik Jumanǵarin bylai dedi:
"Men bul jańalyq týraly asa qatty oilanbadym. Ókinishke qarai buǵan tańqalmadym. Sońǵy kúnderi bolǵan qarbalastan bul jańalyq nazarymnan tys qaldy," – dedi Jumanǵarin jýrnalisterdiń saýalyna.
Buǵan deiin eriktiler qozǵalysynyń belsendisi jáne Biz Birgemiz qaiyrymdylyq qorynyń quryltaishysy Perizat Qairat ustalyp, oǵan qatysty tergeý júrgizilip jatqany belgili boldy. Ol qaiyrymdylyqqa jinalǵan 1,5 mlrd teńgeni jymqyrdy dep kúdikke ilinip otyr.
Keiin Qarjylyq monitoring agenttigi Perizat Qairatqa qatysty taǵy bir derekti jariialady.
«2023 jyldyń qarasha aiynda Perizat Qairat Palestina turǵyndaryna gýmanitarlyq kómek kórsetý úshin qarajat jinaýdy uiymdastyrdy.
2023 jylǵy jeltoqsanda osy aqsha esebinen Perizat Qairat «Sensata Plaza» elitalyq kesheninen 49 mln teńgege úsh bólmeli páter jáne 30 mln teńgege «Mercedes-Benz EQE 500 4 Matic» jańa avtokóligin satyp aldy.
Sonymen qatar, qarajattyń bir bóligi BAÁ-de «Rolex», «Prada» jáne «Fendi» brendtik býtikterinen zergerlik buiymdardy, saǵattar men kiimderdi satyp alýǵa jumsaldy», — delingen agenttik habarlamasynda.
Bul epizod boiynsha Perizat Qairat 200 mln teńgeden asa qarajatty jymqyrdy dep kúdiktelýde.
