فوتو: instagram/01pk
بٷگٸن قر پرەمەر-مينيستردٸڭ ورىنباسارى سەرٸك جۇمانعارين Biz Birgemiz قورىنىڭ باسشىسى پەريزات قايراتقا قاتىستى ٸس تۋرالى پٸكٸر بٸلدٸردٸ, دەپ حابارلايدى ULT.KZ.
پرەمەر-مينيستردٸڭ ورىنباسارىنان تٸلشٸلەر Biz Birgemiz قورىنىڭ 10 ادامنان تۇراتىن قۇرىلتايشىلارى بولعانىن جەنە ولاردىڭ كٶبٸ Amanat پارتيياسىنىڭ مٷشەلەرٸ ەكەنٸن ايتىپ, بۇل جاعداي پارتييانىڭ جەنە قايىرىمدىلىق ينستيتۋتىنىڭ بەدەلٸنە ەسەر ەتپەي مە ەكەنٸن سۇرادى. ٶزٸ دە Amanat پارتيياسىنىڭ مٷشەسٸ بولىپ تابىلاتىن سەرٸك جۇمانعارين بىلاي دەدٸ:
"مەن بۇل جاڭالىق تۋرالى اسا قاتتى ويلانبادىم. ٶكٸنٸشكە قاراي بۇعان تاڭقالمادىم. سوڭعى كٷندەرٸ بولعان قاربالاستان بۇل جاڭالىق نازارىمنان تىس قالدى," – دەدٸ جۇمانعارين جۋرناليستەردٸڭ ساۋالىنا.
بۇعان دەيٸن ەرٸكتٸلەر قوزعالىسىنىڭ بەلسەندٸسٸ جەنە Biz Birgemiz قايىرىمدىلىق قورىنىڭ قۇرىلتايشىسى پەريزات قايرات ۇستالىپ, وعان قاتىستى تەرگەۋ جٷرگٸزٸلٸپ جاتقانى بەلگٸلٸ بولدى. ول قايىرىمدىلىققا جينالعان 1,5 ملرد تەڭگەنٸ جىمقىردى دەپ كٷدٸككە ٸلٸنٸپ وتىر.
كەيٸن قارجىلىق مونيتورينگ اگەنتتٸگٸ پەريزات قايراتقا قاتىستى تاعى بٸر دەرەكتٸ جارييالادى.
«2023 جىلدىڭ قاراشا ايىندا پەريزات قايرات پالەستينا تۇرعىندارىنا گۋمانيتارلىق كٶمەك كٶرسەتۋ ٷشٸن قاراجات جيناۋدى ۇيىمداستىردى.
2023 جىلعى جەلتوقساندا وسى اقشا ەسەبٸنەن پەريزات قايرات «Sensata Plaza» ەليتالىق كەشەنٸنەن 49 ملن تەڭگەگە ٷش بٶلمەلٸ پەتەر جەنە 30 ملن تەڭگەگە «Mercedes-Benz EQE 500 4 Matic» جاڭا اۆتوكٶلٸگٸن ساتىپ الدى.
سونىمەن قاتار, قاراجاتتىڭ بٸر بٶلٸگٸ باە-دە «Rolex», «Prada» جەنە «Fendi» برەندتٸك بۋتيكتەرٸنەن زەرگەرلٸك بۇيىمداردى, ساعاتتار مەن كيٸمدەردٸ ساتىپ الۋعا جۇمسالدى», — دەلٸنگەن اگەنتتٸك حابارلاماسىندا.
بۇل ەپيزود بويىنشا پەريزات قايرات 200 ملن تەڭگەدەن اسا قاراجاتتى جىمقىردى دەپ كٷدٸكتەلۋدە.
