Eýropalyq odaqtyń Syrtqy ister jáne qaýipsizdik saiasaty jónindegi joǵarǵy ókili - Eýropalyq komissiianyń vitse-prezidenti Jozep Borrel 2022 jylǵy 16-17 qarashada Qazaqstanǵa resmi saparmen keledi. Bul týraly QR SIM habarlady, - dep jazady Tengrinews.kz.
"Eýropalyq odaqtyń Syrtqy ister jáne qaýipsizdik saiasaty jónindegi Joǵarǵy ókili - Eýropalyq komissiianyń Vitse-prezidenti Jozep Borrell 2022 jylǵy 16-17 qarashada Qazaqstanǵa resmi saparmen keledi.
Sapar aiasynda Jozep Borrelldiń Qazaqstan Respýblikasy Premer-ministriniń orynbasary - syrtqy ister ministri Muhtar Tileýberdimen jáne Memleket basshylyǵymen ekijaqty kezdesýleri josparlanǵan", - dedi brifingte Syrtqy ister ministrliginiń resmi ókili Aibek Smadiiarov.
Kelissózder barysynda ózekti óńirlik jáne halyqaralyq máseleler boiynsha pikir almasyp, taraptar Qazaqstan - Eýropalyq Odaq ekijaqty yntymaqtastyqtyń perspektivalaryn talqylaidy.
