Josyqsyz kásipkerler tekserýlerge 3 jyldyq moratoriidi salyqtan jaltarý múmkindigi retinde qabyldady. Bul týraly búgin Úkimet otyrysynda QR Qarjy ministri Erulan Jamaýbaev jasady, dep habarlaidy "Ult aqparat".
«2020 jyldan bastap engizilgen tekserýlerge 3 jyldyq moratorii kassalyq tártipti tómendetti. Josyqsyz kásipkerler bul bastamany salyqtan jazasyz jaltarý múmkindigi retinde qabyldady», - dedi ministr.
Onyń dereginshe, tek ótken jyldyń ózinde «Azamattyq baqylaý - chekti talap et» jobasy aiasynda Memlekettik kirister komitetine zań buzýshylyqtar týraly beine-tirkeýmen 16,5 myń habarlama kelip túsken.
«Osyǵan bailanysty biz moratorii týraly Jarlyqqa azamattardyń shaǵymdary men josyqsyz sýbektiler boiynsha tekserýlerge ony qoldanbaý bóliginde túzetýler engizýge bastamashylyq jasadyq», - dedi Erulan Jamaýbaev.
