Memleket tarihy institýtynyń bas ǵylymi qyzmetkeri, tarih ǵylymdarynyń PhD doktory Jaqsylyq Sábitov Joshy ulysynyń qurylǵan jylyn atady, dep habarlaidy QazAqparat tilshisi.
«V.Trepavlov Joshy ulysynyń Deshti Qypshaqqa qonys aýdarǵan jyly retinde 1225 jylǵy datany ustanady. Sonymen qatar, Joshy men Shaǵatai bir ýaqytta jańa ulystar qurdy. «Altan tobchi» mátinine súienip, Joshy ulysy men Shaǵatai ulysynyń 1225 jyly bólingenin aitýǵa bolady.
Jekelegen synshylar 1225 jylǵy bul oqiǵaǵa kúmán keltirýi múmkin. Biraq bul qazirgi derekkózderdegi jalǵyz naqty data. Aita ketý kerek, «Altan tobchi» mońǵoldardyń ishki ańyzdardaǵy derekkózderge kóp negizdelgen. Sondyqtan bul derekti elemeýge bolmaidy», - dedi tarihshy «Ulyq uly –Altyn Orda» atty halyqaralyq ǵylymi-praktikalyq konferentsiiada.
Sondai-aq ǵalym Joshy ulysynyń Qypshaq dalasyna bilik júrgizýi Horezmderge jasaǵan shabýyldarynan bastalǵan degen boljam aitty.
«Shyn máninde, Joshy Horezmdegi shabýyldan keiin Deshti Qypshaqtyń bir bóligine bilik júrgize bastady. Biraq onyń biligine ákesi zańdy mártebeni birneshe jyldan keiin berýi múmkin. Ázirshe barlyq derekkózderden Joshy ulysynyń Qazaqstan aýmaǵyna zańdy qonys aýdarǵan jyly retinde 1225 jyldy atap ótýge bolady», - dedi Jaqsylyq Sábitov.
Ǵalymnyń aitýynsha, Joshynyń kózi tirisinde onyń ulysy úsh mańyzdy ózgeriske ushyraǵan. Olar:
1. 1206 jyly oǵan Keneges rýynan Hýnan bastaǵan Ulys kelip qosyldy. 1207 jyly oǵan qyrǵyzdardyń jáne «orman taipalarynyń» aýmaqtary qosyldy.
2. 1219 jyly Horezmshahqa joryq qarsańynda Shyńǵys han ulystardy qaita taratyp, óz imperiiasyn qaita qurdy.
3. 1225 jyly Shyńǵys han Joshyǵa Deshti-Qypshaqtyń Qaialyqtan Saksinge deiingi aýmaǵyn zańdy túrde bekitip berdi.
