Bilim jáne ǵylym ministri Ashat Aimaǵambetov ýniversitetterge taldaý júrgizgende oqýǵa 100 adam túsip, 800 adam bitirip shyǵatynyn anyqtaǵan. Ol bul stýdentterdiń aýadan paida bolmaitynyn aitty. Budan bylai qazaqstandyq JOO túlekterine diplom qaǵaz túrinde emes, elektrondy túrde beriledi, – dep habarlaidy Baq.kz.
Osy jáne ózge de jańalyqtardy bilim ministri Ashat Aimaǵambetov Sybailas jemqorlyqqa qarsy is-qimyl agenttiginiń alqa otyrysynda málimdedi.
Jiynda sóz sóilegen Aimaǵambetov diplomdy satyp alatyn JOO túlekteri jóninde ótkir máseleniń basyn ashty.
Biz ýniversitetterge taldaý júrgizdik: 100 adam túsedi, 800 adam bitiredi. Bul stýdentterdiń aýadan paida bolmaityny belgili. Sapaly bilim beretin ýniversitetter stýdentterdi oilanbastan shyǵaryp jiberedi. Al, "shańsorǵyshtar" (sondai shyǵyp qalǵandardy jinap alatyn JOO – red.) bul balalardy naryqtyń ár túkpirinen jinap alady, sodan keiin olarǵa diplomdar beredi, - málimdedi Bilim jáne ǵylym ministri.
Bul jaǵdaidy sheshý úshin Bilim ministrligi barlyq diplomdardy tsifrlandyrady, al derekter bazada saqtalady. Budan keiin ózgertýler engizý múmkin bolmaidy.
Qazir biz barlyq diplomdardy tsifrlaýdamyz. Birinshiden, biz "blockchain" elektrondyq diplomdaryn (júiesinde) shyǵaramyz. Ekinshiden, biz tarihi aqparatty tsifrlandyramyz. Shamamen, 1970 jylǵa deiin jetýdi kózdep otyrmyz. Bul protsesste biz kóptegen problemalyq máselelerge tap boldyq, máselen, birshama diplom shyǵarǵandai bolyp edik, iske kelgende biz olardyń izderin esh jerden taba almaimyz. Sondyqtan biz ýniversitetterge 1970 jylǵa deiin diplomdardy tsifrlandyrý mindetin qoidyq, - dep aitty elimizdiń bas ustazy Aimaǵambetov.
Osy oraida, ministr jýyrda ǵana sheshim qabyldap, Shymkenttegi eldegi eń úlken ýniversitetti japqanyn habarlady.
Sot sheshim shyǵardy. Bilim jáne ǵylym ministrligi litsenziiany qaitaryp alý týraly durys sheshim qabyldady. Osy ýniversitette 30 myńnan astam adam oqyǵan. Biz shynymen de (...) zań buzýshylyqtar bar ekenin bildik, olar shynymen de diplomdaryn basyp shyǵarǵanyn anyqtadyq. Alaida, ýniversitetter az bolýy kerek dep aitpaimyz. Kóp bolsyn, biraq olar jaqsy ýniversitetter bolýy kerek. Sondyqtan búgin biz talaptardy kúsheitip jatyrmyz, - dep túiindedi óz sózin Bilim ministri.
