Aqtóbedegi Áliia Moldaǵulova atyndaǵy halyqaralyq áýejai 28 naýryzdan bastap ashylady. Qazaqstannyń aviatsiialyq ákimshiligi osyndai sheshim qabyldady, - dep habarlaidy Tengrinews.kz tilshisi áýe ailaǵynyń Instagram-daǵy resmi paraqshasyna silteme jasap.
Biletterdi aiyrbastaý, qaitarý, ushý ýaqytyn aýystyrý máseleleri boiynsha bilet satyp alǵan jerge habarlasý keregi aityldy.
Sondai-aq, Aqtóbe áýejaiynda biyl jańa baǵyttar ashylatyny, odan ary damityny belgili boldy.
Eske salaiyq, áýejaidyń ushý-qoný jolaǵy jóndeýdi qajet etken edi. Ony tekserý barysynda Aqtóbe oblysy ákimdiginiń, Azamattyq aviatsiia komitetiniń, Qazaqstannyń aviatsiialyq ákimshiliginiń, Áliia Moldaǵulova halyqaralyq áýejaiynyń, sondai-aq, Air Astana, SCAT jáne Qazaq Air aviakompaniialarynyń ókilderi áýeailaq plitalarynyń búlingenin, synǵanyn anyqtady.
Jóndeý jumystary 17-27 naýryz aralyǵynda júrgizildi.
