Joldaýdyń qazan aiynda jariialanýynyń ózindik mańyzy bar. Sebebi, qarasha aiynda kelesi jyldyń biýdjeti qattala bastaityndyqtan, Úkimet te naqty qai salaǵa qandai qarajat jumsaý kerektigin biletin bolady. Prezident Nursultan Nazarbaevtyń Joldaýy týraly mundai pikirdi QR Prezidenti janyndaǵy Strategiialyq zertteýler institýty direktorynyń orynbasary, saiasattaný ǵylymynyń doktory Sanat Kóshkinbaev aitty, dep habarlaidy QazAqparat tilshisi.
«Memleket basshysy Nursultan Nazarbaevtyń biylǵy Joldaýy álbette, formaty men mazmuny jaǵynan burynǵylardan erekshe. Joldaýda naqty mindetter men maqsattar belgilendi. Iaǵni, eń aldymen qujatta adam men onyń múddesine tór berilgen. Demek, Joldaý bárinen buryn qarapaiym azamattardyń múddesin kózdeidi. Atap aitqanda, qujatta basty talap retinde ailyqtyń ósýine, halyqtyń tabysyna mańyz berildi. Biz eń tómengi jalaqynyń bir jarym esege artatynyn naqty bilip otyrmyz. Túptep kelgende, bul Joldaýda qarapaiym azamattardyń jaǵdaiyn jaqsartý jaiy qarastyrylǵan», - dedi sarapshy.
Sanat Kóshkinbaevtyń aitýyna qaraǵanda, Joldaýdaǵy maqsattar men mindetterdi oryndaý úshin qansha qarajat (1,5 trillion teńge) jumsalatyny naqty aiqyndalǵan.
«Bir aita keterligi, nelikten Joldaýda naqty qazan aiynda osy másele kóterilip otyr. Sebebi, ózderińiz biletindei, qarasha aiynda kelesi jyldyń biýdjeti qattala bastaidy. Iaǵni, biýdjetti sala-salaǵa bólgen kezde Parlament te, Úkimet te qansha qarajatty qai baǵytqa jumsaitynyn anyq biletin bolady. Mine, sondyqtan Joldaýdyń ýaqyty da teginnen tegin tańdalyp otyrǵan joq», - deidi ol.
Sarapshy, sonymen qatar, biylǵy Joldaý «Bes áleýmettik bastama» baǵdarlamasymen etene bailanysyp, qarjylyq esep jiti eseptelip otyrǵanyn tilge tiek etti.
«Úkimetke naqty qandai tapsyrmalardyń berilgeni taiǵa tańba basqandai bekitildi. Buryn Joldaýdy Memleket basshysy Parlament qabyrǵasynda joldasa, biyl Aqordada ótti. Ol jerde el biligindegi barlyq azamattar boldy. Demek, memlekettik apparattardyń barlyǵynyń aldyna naqty mindetter qoiyldy. Eń bastysy - talap bar. Azamattardyń jaǵdaiyn jaqsartý tapsyrmasy qalai oryndalady? Menińshe, Joldaýda kórsetilgen mindetter naqty oryndalsa, 2019 jyly nátije birden kórinedi», - dedi Sanat Kóshkinbaev.
.jpeg)