جولداۋدىڭ قازان ايىندا جارييالانۋىنىڭ ٶزٸندٸك ماڭىزى بار. سەبەبٸ, قاراشا ايىندا كەلەسٸ جىلدىڭ بيۋدجەتٸ قاتتالا باستايتىندىقتان, ٷكٸمەت تە ناقتى قاي سالاعا قانداي قاراجات جۇمساۋ كەرەكتٸگٸن بٸلەتٸن بولادى. پرەزيدەنت نۇرسۇلتان نازارباەۆتىڭ جولداۋى تۋرالى مۇنداي پٸكٸردٸ قر پرەزيدەنتٸ جانىنداعى ستراتەگييالىق زەرتتەۋلەر ينستيتۋتى ديرەكتورىنىڭ ورىنباسارى, ساياساتتانۋ عىلىمىنىڭ دوكتورى سانات كٶشكٸنباەۆ ايتتى, دەپ حابارلايدى قازاقپارات تٸلشٸسٸ.
«مەملەكەت باسشىسى نۇرسۇلتان نازارباەۆتىڭ بيىلعى جولداۋى ەلبەتتە, فورماتى مەن مازمۇنى جاعىنان بۇرىنعىلاردان ەرەكشە. جولداۋدا ناقتى مٸندەتتەر مەن ماقساتتار بەلگٸلەندٸ. ياعني, ەڭ الدىمەن قۇجاتتا ادام مەن ونىڭ مٷددەسٸنە تٶر بەرٸلگەن. دەمەك, جولداۋ بەرٸنەن بۇرىن قاراپايىم ازاماتتاردىڭ مٷددەسٸن كٶزدەيدٸ. اتاپ ايتقاندا, قۇجاتتا باستى تالاپ رەتٸندە ايلىقتىڭ ٶسۋٸنە, حالىقتىڭ تابىسىنا ماڭىز بەرٸلدٸ. بٸز ەڭ تٶمەنگٸ جالاقىنىڭ بٸر جارىم ەسەگە ارتاتىنىن ناقتى بٸلٸپ وتىرمىز. تٷپتەپ كەلگەندە, بۇل جولداۋدا قاراپايىم ازاماتتاردىڭ جاعدايىن جاقسارتۋ جايى قاراستىرىلعان», - دەدٸ ساراپشى.
سانات كٶشكٸنباەۆتىڭ ايتۋىنا قاراعاندا, جولداۋداعى ماقساتتار مەن مٸندەتتەردٸ ورىنداۋ ٷشٸن قانشا قاراجات (1,5 تريلليون تەڭگە) جۇمسالاتىنى ناقتى ايقىندالعان.
«بٸر ايتا كەتەرلٸگٸ, نەلٸكتەن جولداۋدا ناقتى قازان ايىندا وسى مەسەلە كٶتەرٸلٸپ وتىر. سەبەبٸ, ٶزدەرٸڭٸز بٸلەتٸندەي, قاراشا ايىندا كەلەسٸ جىلدىڭ بيۋدجەتٸ قاتتالا باستايدى. ياعني, بيۋدجەتتٸ سالا-سالاعا بٶلگەن كەزدە پارلامەنت تە, ٷكٸمەت تە قانشا قاراجاتتى قاي باعىتقا جۇمسايتىنىن انىق بٸلەتٸن بولادى. مٸنە, سوندىقتان جولداۋدىڭ ۋاقىتى دا تەگٸننەن تەگٸن تاڭدالىپ وتىرعان جوق», - دەيدٸ ول.
ساراپشى, سونىمەن قاتار, بيىلعى جولداۋ «بەس ەلەۋمەتتٸك باستاما» باعدارلاماسىمەن ەتەنە بايلانىسىپ, قارجىلىق ەسەپ جٸتٸ ەسەپتەلٸپ وتىرعانىن تٸلگە تيەك ەتتٸ.
«ٷكٸمەتكە ناقتى قانداي تاپسىرمالاردىڭ بەرٸلگەنٸ تايعا تاڭبا باسقانداي بەكٸتٸلدٸ. بۇرىن جولداۋدى مەملەكەت باسشىسى پارلامەنت قابىرعاسىندا جولداسا, بيىل اقوردادا ٶتتٸ. ول جەردە ەل بيلٸگٸندەگٸ بارلىق ازاماتتار بولدى. دەمەك, مەملەكەتتٸك اپپاراتتاردىڭ بارلىعىنىڭ الدىنا ناقتى مٸندەتتەر قويىلدى. ەڭ باستىسى - تالاپ بار. ازاماتتاردىڭ جاعدايىن جاقسارتۋ تاپسىرماسى قالاي ورىندالادى? مەنٸڭشە, جولداۋدا كٶرسەتٸلگەن مٸندەتتەر ناقتى ورىندالسا, 2019 جىلى نەتيجە بٸردەن كٶرٸنەدٸ», - دەدٸ سانات كٶشكٸنباەۆ.
.jpeg)