QR Premer-Ministri Asqar Maminniń tóraǵalyǵymen ótken QR Úkimetiniń otyrysynda Memleket basshysynyń biylǵy 2 qyrkúiektegi «Cyndarly qoǵamdyq dialog – Qazaqstannyń turaqtylyǵy men órkendeýiniń negizi» Joldaýyn iske asyrý jónindegi Jalpyulttyq is-sharalar josparynyń jobasy tanystyryldy. Qujatpen QR Premer-Ministriniń Birinshi orynbasary – qarjy ministri Álihan Smaiylov tanystyrdy.
Joba 5 baǵyt boiynsha 81 is-sharadan turady.
Á. Smaiylovtyń aitýynsha, «Zaman talabyna sai tiimdi memleket» I baǵyty boiynsha Jańǵyrtý jónindegi ulttyq komissiia jumysynyń jospary boiynsha usynystardy qalyptastyrýǵa baǵyttalǵan 11 is-sharany iske asyrý, azamattar men uiymdardyń ótinishterimen jumys sapasyn kúsheitý, memlekettik qyzmetshiler men ulttyq kompaniialar qyzmetkerleriniń sanyn kezeń-kezeńimen 25%-ǵa qysqartý, qatysýshylar úshin qoljetimdilikti eskere otyryp, belgili bir jerlerde beibit mitingiler ótkizýge ruqsat berý kózdelgen.
«Ál-Farabidiń 1150 jyldyǵyn, Abai Qunanbaiulynyń 175 jyldyǵyn jáne Qazaqstan táýelsizdiginiń 30 jyldyǵyn ótkizý jónindegi respýblikalyq josparlar, sondai-aq, Altyn Ordanyń 750 jyldyǵyna arnalǵan is-sharalar ázirlenetin bolady», — dedi QR Premer-Ministriniń Birinshi orynbasary.
«Azamattardyń quqyqtary men qaýipsizdigin qamtamasyz etý» II baǵyty boiynsha sot sheshimderiniń monitoringi men sýdialardy baǵalaýdy engizý, «Sot praktikasynyń sandyq analitikasy» júiesin synaqtan ótkizý, ozyq halyqaralyq tájiribe negizinde Ákimshilik politsiia komitetiniń jumysyn qaita uiymdastyrý boiynsha 15 is-shara iske asyrylatyn bolady.
Á. Smailovtyń aitýynsha, jeke adamǵa qarsy birqatar aýyr qylmystardy, brakonerlikti qatańdatý, ákimshilik ádilet, sybailas jemqorlyqqa qarsy sharalar engizý, azamattardyń quqyqtaryn qorǵaý kepildigin arttyrý boiynsha 6 zań qabyldaý josparlanýda.
«2020 jyldyń sońyna deiin Qarýly Kúshter men áskeri quralymdardy damytý tujyrymdamasy jańa redaktsiiasynda qabyldanady», — dedi Birinshi vitse-premer.
«Qarqyndy damyǵan jáne inkliýzivti ekonomika» III baǵyty boiynsha ekonomikany ártaraptandyrý, biznes pen bank sektoryn damytý, salyq jáne biýdjet zańnamasy boiynsha 27 is-shara iske asyrylatyn bolady.
Mikro- jáne shaǵyn biznes úshin «Biznestiń jol kartasy-2025» sheńberinde jańa jáne áleýmettik jobalardy memlekettik qoldaý sharalary iske asyrylatyn bolady.
«Mikro- jáne shaǵyn biznes tabys salyǵynan jáne úsh jylǵa tekserýden bosatylady. Budan basqa, ulttyq kompaniialar qyzmetiniń tiimdiligine, olardy qysqartý boiynsha usynystar engize otyryp, taldaý júrgiziletin bolady», — dedi Á. Smaiylov.
«Áleýmettik jańǵyrtýdyń jańa kezeńi» IV baǵyty boiynsha 18 is-shara qarastyrylǵan.
Birinshi vitse-ministr atap ótkendei, «Diplommen aýylǵa» baǵdarlamasy boiynsha turǵyn úige kredit berý keńeitiledi, joǵary oqý oryndarynyń sanyna taldaý júrgiziledi, pedagogtardyń, mádeniet jáne óner uiymdary qyzmetkerleriniń eńbekaqysy ulǵaitylady.
«Ataýly áleýmettik kómekti jetildirý, tabysy az otbasylardan shyqqan balalarǵa kepildik berilgen áleýmettik paketti engizý jóninde sharalar qabyldanatyn bolady», — dedi ol.
«Qýatty óńirler – qýatty el» V baǵyty boiynsha 10 is-sharany iske asyrý josparlanǵan.
Jergilikti atqarýshy organdardy baǵalaý júiesi qaita qaralatyn bolady, úsh iri qala ákimdikteriniń quzyreti keńeitiledi, turǵyn úi baǵdarlamalary operatorlarynyń sany qysqartylady, Parlament janynan zańnamany zertteý institýty qurylady.
Á. Smaiylov sendirgendei, «Saryarqa» magistraldyq gaz qubyryna qosý úshin gaz taratý jelileri kezeń-kezeńmen paidalanýǵa beriletin bolady.
«Jalpyulttyq jospardy júzege asyrý Memleket basshysynyń Qazaqstan halqyna joldaýynda qoiylǵan barlyq mindetterdi jáne sailaýaldy tuǵyrnamasyn sheshýdi qamtamasyz etedi, — dedi Á. Smaiylov. — JUJ-dyń is-sharalaryn iske asyrý jónindegi jumystardy úilestirý jáne monitoring júrgizý Úkimettiń jobalaý keńsesine júkteledi».
.jpeg)