Búgin ǵana Temirhan Medetbek, Kádirbek Segizbaev, Smaǵul Elýbaev, Sultanáli Balǵabaev sekildi múiizi qaraǵaidai aqyn-jazýshylarymyz jinalyp, Prezidenttiń Joldaýyn talqyladyq. Barlyǵy da Prezidenttiń bastamasyn qoldap otyr.
Joldaýda qadaý-qadaý máseleler kóterildi. Máselen, Qańtar oqiǵasy kezinde buzaqylardyń jeteginde ketken jastarǵa raqymshylyq berýi, eldegi shalǵai aýyldardaǵy meditsinalyq múmkindikterdi ashý. Odan bólek, úsh aýysymmen oqytatyn mektepterdiń jumysyn eki aýysymǵa qysqartý. Sonyń arqasynda jańadan mektepter salynady. Bul da halyqqa óte qajetti dúnie. Jylda aýyl jaqqa baramyz, sol kezde joldyń azabyn tartamyz.
«Birneshe jyldyń ishinde alys aimaqtardaǵy joldyń 95 paiyzyn túzetip, jóndep shyǵamyz» dedi Prezident. Shynyn aitqanda, eldegi jol máselesi ýshyǵyp tur. Joldyń nasharlyǵynan týrizmdi ǵana emes, tasymal máselesin de, elaralyq bailanysty da tejep tur. Biznes bastap, óz kásibin dóńgeletemin degen jastarǵa eki paiyzben nesie berýi – jaqsy bastama.
Prezidenttiń kótergen máselelerdiń ishinde qatty unaǵany – ulttyq bailyqty, halyqqa teń bólip berý. Iaǵni, onyń qyzyǵyn halyq ta kórý kerek degeni. Sonymen qosa, kámeletke tolmaǵan balalardyń árqaisysyna ulttyq tabystyń 50 paiyzyn berýi. Shyny aitqanda, bul túsimizge kirmegen nárse. Tipti, partiialar osyny óziniń jospar-jobasyna, baǵdarlamasyna kirigizip júrgen. Mine, osynyń bári sóz júzinde qalmai, is júzinde assa, nur ústine nur bolar edi.
Ulyqbek Esdáýlet,
Jazýshylar odaǵynyń tóraǵasy
