بٷگٸن عانا تەمٸرحان مەدەتبەك, كەدٸربەك سەگٸزباەۆ, سماعۇل ەلۋباەۆ, سۇلتانەلٸ بالعاباەۆ سەكٸلدٸ مٷيٸزٸ قاراعايداي اقىن-جازۋشىلارىمىز جينالىپ, پرەزيدەنتتٸڭ جولداۋىن تالقىلادىق. بارلىعى دا پرەزيدەنتتٸڭ باستاماسىن قولداپ وتىر.
جولداۋدا قاداۋ-قاداۋ مەسەلەلەر كٶتەرٸلدٸ. مەسەلەن, قاڭتار وقيعاسى كەزٸندە بۇزاقىلاردىڭ جەتەگٸندە كەتكەن جاستارعا راقىمشىلىق بەرۋٸ, ەلدەگٸ شالعاي اۋىلدارداعى مەديتسينالىق مٷمكٸندٸكتەردٸ اشۋ. ودان بٶلەك, ٷش اۋىسىممەن وقىتاتىن مەكتەپتەردٸڭ جۇمىسىن ەكٸ اۋىسىمعا قىسقارتۋ. سونىڭ ارقاسىندا جاڭادان مەكتەپتەر سالىنادى. بۇل دا حالىققا ٶتە قاجەتتٸ دٷنيە. جىلدا اۋىل جاققا بارامىز, سول كەزدە جولدىڭ ازابىن تارتامىز.
«بٸرنەشە جىلدىڭ ٸشٸندە الىس ايماقتارداعى جولدىڭ 95 پايىزىن تٷزەتٸپ, جٶندەپ شىعامىز» دەدٸ پرەزيدەنت. شىنىن ايتقاندا, ەلدەگٸ جول مەسەلەسٸ ۋشىعىپ تۇر. جولدىڭ ناشارلىعىنان تۋريزمدٸ عانا ەمەس, تاسىمال مەسەلەسٸن دە, ەلارالىق بايلانىستى دا تەجەپ تۇر. بيزنەس باستاپ, ٶز كەسٸبٸن دٶڭگەلەتەمٸن دەگەن جاستارعا ەكٸ پايىزبەن نەسيە بەرۋٸ – جاقسى باستاما.
پرەزيدەنتتٸڭ كٶتەرگەن مەسەلەلەردٸڭ ٸشٸندە قاتتى ۇناعانى – ۇلتتىق بايلىقتى, حالىققا تەڭ بٶلٸپ بەرۋ. ياعني, ونىڭ قىزىعىن حالىق تا كٶرۋ كەرەك دەگەنٸ. سونىمەن قوسا, كەمەلەتكە تولماعان بالالاردىڭ ەرقايسىسىنا ۇلتتىق تابىستىڭ 50 پايىزىن بەرۋٸ. شىنى ايتقاندا, بۇل تٷسٸمٸزگە كٸرمەگەن نەرسە. تٸپتٸ, پارتييالار وسىنى ٶزٸنٸڭ جوسپار-جوباسىنا, باعدارلاماسىنا كٸرٸگٸزٸپ جٷرگەن. مٸنە, وسىنىڭ بەرٸ سٶز جٷزٸندە قالماي, ٸس جٷزٸندە اسسا, نۇر ٷستٸنە نۇر بولار ەدٸ.
ۇلىقبەك ەسدەۋلەت,
جازۋشىلار وداعىنىڭ تٶراعاسى
