Tótenshe jaǵdai qyzmetkerleri jolda qalǵan avtobýstyń 45 jolaýshysyn qutqardy, – dep habarlaidy TJK baspasóz qyzmeti.
«27 qarashada Jambyl oblysynyń Qordai aýdanynda «Almaty-Tashkent» tasjolynyń 240 shaqyrymynda «Shymkent-Almaty» baǵytymen jolǵa shyqqan «Yutong» markaly avtobýs tehnikalyq aqaýǵa bailanysty buzylyp qalǵan. Jolaýshylar avtobýsynyń salonynda 45 adam, sonyń ishinde 5 bala bolǵan. Olardyń barlyǵy Qazaqstan azamattary» delingen habarlamada.
Jedel jetken qutqarýshylar men politseiler Qordai aýylynyń avtovokzalyna 26 jolaýshyny, sonyń ishinde 5 balany evakýatsiialady. Olar keiin «Sprinter» shaǵyn avtobýsymen Almaty qalasyna jetkizildi. Evakýatsiiadan bas tartqan qalǵan 19 jolaýshy jol jónekei ketip bara jatqan avtokólikterge minip ketti.
