تٶتەنشە جاعداي قىزمەتكەرلەرٸ جولدا قالعان اۆتوبۋستىڭ 45 جولاۋشىسىن قۇتقاردى, – دەپ حابارلايدى تجك باسپاسٶز قىزمەتٸ.
«27 قاراشادا جامبىل وبلىسىنىڭ قورداي اۋدانىندا «الماتى-تاشكەنت» تاسجولىنىڭ 240 شاقىرىمىندا «شىمكەنت-الماتى» باعىتىمەن جولعا شىققان «Yutong» ماركالى اۆتوبۋس تەحنيكالىق اقاۋعا بايلانىستى بۇزىلىپ قالعان. جولاۋشىلار اۆتوبۋسىنىڭ سالونىندا 45 ادام, سونىڭ ٸشٸندە 5 بالا بولعان. ولاردىڭ بارلىعى قازاقستان ازاماتتارى» دەلٸنگەن حابارلامادا.
جەدەل جەتكەن قۇتقارۋشىلار مەن پوليتسەيلەر قورداي اۋىلىنىڭ اۆتوۆوكزالىنا 26 جولاۋشىنى, سونىڭ ٸشٸندە 5 بالانى ەۆاكۋاتسييالادى. ولار كەيٸن «Sprinter» شاعىن اۆتوبۋسىمەن الماتى قالاسىنا جەتكٸزٸلدٸ. ەۆاكۋاتسييادان باس تارتقان قالعان 19 جولاۋشى جول جٶنەكەي كەتٸپ بارا جاتقان اۆتوكٶلٸكتەرگە مٸنٸپ كەتتٸ.
