Kórneki foto: pixabay.com
Jolaýshy Astana áýejaiy arqyly 160 myń AQSh dollaryn (72 million teńgeden astam) alyp ótpek bolǵan.
Astana halyqaralyq áýejaiynyń aviatsiialyq qaýipsizdik qyzmeti ushý aldynda tekserý júrgizý kezinde jolaýshynyń bagajynda shamamen 160 000 AQSh dollary baryn anyqtaǵan.
Quqyqbuzýshy jolaýshy aqshamen birge tiisti organdardyń qyzmetkerlerine berildi.
"Prezidenttiń "Qazaqstan Respýblikasynyń qarjylyq turaqtylyǵyn qamtamasyz etý jónindegi 2022 jylǵy 14 naýryzdaǵy sharalar týraly" Jarlyǵyna sáikes, 10 000 AQSh dollarynan asatyn somada shetel valiýtasyn qolma-qol áketýge tyiym salynady", - deidi Astana halyqaralyq áýejaiynyń baspasóz qyzmeti.
Bul - jyl basynan bergi ekinshi jaǵdai, al byltyr 98 jaǵdai tirkelgen.
