Infliatsiianyń joǵary bolýy adamdardyń satyp alý qabiletin tómendetip, jalaqysynyń qunsyzdanýyna áser etedi. Bul týraly QR Premer-Ministri Álihan Smaiylov aitty, dep habarlaidy QazAqparat.
«Memleket basshysy Qasym-Jomart Kemeluly Toqaev Parlament Májilisinde sóilegen sózinde infliatsiia máselelerine erekshe kóńil bólip, baǵany turaqtandyrý mindetin qoidy. Infliatsiia deńgeii ótken jyly qyrkúiektegi 8,9 paiyzdan jeltoqsanda 8,4 paiyzǵa deiin tómendedi. Biraq bul da – joǵary kórsetkish. Bul adamdardyń satyp alý qabiletin tómendetip, jalaqylarynyń qunsyzdanýyna áser etedi. Tutastai alǵanda memlekettiń ekonomikalyq jáne áleýmettik saiasatynyń tiimdiligin tómendetedi», - dedi Úkimet basshysy.
Sondyqtan ol infliatsiia men baǵa turaqtylyǵyna erekshe mańyz berilip otyrǵanyn basa aitty.
«Azyq-túlik taýarlaryn óndirý kólemin arttyrýǵa, ishki naryqta taýarlardyń jetkilikti bolýyna, energiia kózderine baǵa belgileý tetigi men aqyly qyzmetterdiń tarifterin qaita qaraýǵa múmkindik beretin júieli is-sharalar qabyldaý qajet», - dedi Álihan Smaiylov.
