QR BǴM joǵary bilim berý júiesine oqytýdyń jańa quralyn engizýdi josparlap otyr. Bul týraly QR Bilim jáne ǵylym vitse-ministri Qýanysh Erǵaliev aitty, dep habarlaidy QazAqparat.
«QR BǴM joǵary bilim berý júiesine oqytýdyń jańa quralyn engizýdi josparlap otyr. «Onlain-oqý» bilim alýdyń jańa formatyna ainalady. Elimizde alǵashqy onlain-ýniversitetter ashylady. Jalpy, joǵary oqý oryndarynda bilim alý úshin granttar sany 5 myńǵa artady. Olardyń 60 paiyzy tehnikalyq mamandyqtar boiynsha bólinedi. Sondai-aq «Bolashaq» baǵdarlamasyn qaita qarastyrý boiynsha jumysty bastadyq», - dedi Qýanysh Erǵaliev ministrliktiń keńeitilgen alqa otyrysynda.
Sonymen qatar ol 2022 jylǵy 1 qyrkúiekten bastap Memleket basshysynyń tapsyrmasy boiynsha qazaqstandyq joǵary oqý oryndary stýdentteriniń stipendiiasy 20, magistranttar men doktoranttardyń stipendiiasy 15 paiyzǵa artatyndyǵyn aitty.
«Pedagogika mamandaryn daiarlaý baǵyty boiynsha oqityn stýdentter 58 myń teńgeden astam, basqa baǵyttar boiynsha bilim alatyndar 37 myń teńgege jýyq shákirtaqy ala bastaidy. Magistranttardyń shákirtaqysy 86 987 teńgege deiin, doktoranttardyń shákirtaqysy 195 000 teńgege deiin ósedi», - dedi vitse-ministr.
