قر بعم جوعارى بٸلٸم بەرۋ جٷيەسٸنە وقىتۋدىڭ جاڭا قۇرالىن ەنگٸزۋدٸ جوسپارلاپ وتىر. بۇل تۋرالى قر بٸلٸم جەنە عىلىم ۆيتسە-مينيسترٸ قۋانىش ەرعاليەۆ ايتتى, دەپ حابارلايدى قازاقپارات.
«قر بعم جوعارى بٸلٸم بەرۋ جٷيەسٸنە وقىتۋدىڭ جاڭا قۇرالىن ەنگٸزۋدٸ جوسپارلاپ وتىر. «ونلاين-وقۋ» بٸلٸم الۋدىڭ جاڭا فورماتىنا اينالادى. ەلٸمٸزدە العاشقى ونلاين-ۋنيۆەرسيتەتتەر اشىلادى. جالپى, جوعارى وقۋ ورىندارىندا بٸلٸم الۋ ٷشٸن گرانتتار سانى 5 مىڭعا ارتادى. ولاردىڭ 60 پايىزى تەحنيكالىق ماماندىقتار بويىنشا بٶلٸنەدٸ. سونداي-اق «بولاشاق» باعدارلاماسىن قايتا قاراستىرۋ بويىنشا جۇمىستى باستادىق», - دەدٸ قۋانىش ەرعاليەۆ مينيسترلٸكتٸڭ كەڭەيتٸلگەن القا وتىرىسىندا.
سونىمەن قاتار ول 2022 جىلعى 1 قىركٷيەكتەن باستاپ مەملەكەت باسشىسىنىڭ تاپسىرماسى بويىنشا قازاقستاندىق جوعارى وقۋ ورىندارى ستۋدەنتتەرٸنٸڭ ستيپەنديياسى 20, ماگيسترانتتار مەن دوكتورانتتاردىڭ ستيپەنديياسى 15 پايىزعا ارتاتىندىعىن ايتتى.
«پەداگوگيكا ماماندارىن دايارلاۋ باعىتى بويىنشا وقيتىن ستۋدەنتتەر 58 مىڭ تەڭگەدەن استام, باسقا باعىتتار بويىنشا بٸلٸم الاتىندار 37 مىڭ تەڭگەگە جۋىق شەكٸرتاقى الا باستايدى. ماگيسترانتتاردىڭ شەكٸرتاقىسى 86 987 تەڭگەگە دەيٸن, دوكتورانتتاردىڭ شەكٸرتاقىسى 195 000 تەڭگەگە دەيٸن ٶسەدٸ», - دەدٸ ۆيتسە-مينيستر.
