Joǵarǵy sot Seiitqazy Mataevtyń hatyna jaýap berdi, - dep habarlaidy "Ult aqparat" Tengrinews.kz agenttigine silteme jasap.
"Keshe Qazaqstannyń Jýrnalister odaǵy basqarmasy tóraǵasy Seiitqazy Mataev BAQ ókilderi arqyly QR Joǵarǵy sotynyń tóraǵasy Jaqyp Asanovqa ashyq hat joldady. Hat Qapshaǵai qalalyq sotynyń Áset Mataevtyń jazasyn jeńildetý týraly ótinishin oryndaýdan bas tartýyna bailanysty joldanǵan. Hatta Seiitqazy Mataev osy máseleni, iaǵni, Áset Mataevqa qatysty isti óz baqylaýyna alýyn suraidy", - dep keltirdi hattyń mazmunyn Joǵarǵy sottyń baspasóz qyzmeti.
"Ashyq hat boiynsha bylai jaýap beremiz. Qazaqstanǵa zańǵa sáikes, jeke baqylaýǵa alý siiaqty protsessýaldyq túsinik zańda jáne sot praktikasynda múlde bolmaǵan. Osyǵan bailanysty Áset Mataev pen ony qorǵaýshylardyń zań arqyly osy úkimdi Qapshaǵai qalalyq sotynyń ókilderi qaita qarap shyǵýyn úshin apelliatsiǵa berýge bolatynyn habarlaimyz", - dedi Joǵarǵy sottyń baspasóz qyzmetindegiler.
Ótken aptada Qapshaǵai qalalyq soty Áset Mataevtyń jazasyn jeńildetý týraly ótinishti qanaǵattandyrýdan bas tartqan edi.
Eske sala keteiik, Seiitqazy Mataev byltyr jeltoqsanda bostandyqqa shyqqan bolatyn.
Osyǵan deiin Mataevtyń memlekettik tapsyrystardy oryndaý barysynda aqsha jymqyrdy degen kúdikke ilingeni habarlanǵan. Seiitqazy Mataev QR QK-niń 190-baby, 4-bólimi, 2-tarmaǵy jáne 245-baby, 3-bólimi boiynsha, sondai-aq QR QK-niń (16.07.1997 jylǵy redaktsiia) 177-babynyń 4-bóliminiń "b" tarmaǵy boiynsha aiyptalýda. Astananyń aýdandyq sotyna Seiitqazy Mataevtyń uly - Ásettiń de isi jiberilgen, oǵan QR QK-niń 190-babynyń 4-bóliminiń 2-tarmaǵy boiynsha aiyp taǵylǵan bolatyn.
